عودة تائه لخديجة اليازغية

بني يازغة الأربعاء, أبريل 19, 2017
عودة تائه لخديجة اليازغية

عودة تائه لخديجة اليازغية

سألوني من اكون؟
قلت تائه مجنوووون...
بين قضبان التفكير مسجون
والحزن داخلي مدفون
ودمعي متغلغل بين البؤبؤ والجفون
قالوا  الاترى ان الدنيا فانية
زائلة غير باقية
افرح ،امرح،واستغل كل ثانية
عش وسط المدينة وابحث عن هواء البادية
شم رائحة عطر الحياة وتمتع بحلتها الزاهية...
قلت دعوني وشأني
دعوني استمع لصوت الرياح
واتخذ من ظلمة الليل وشاح
واسقي وردي بالدموع كل صباح
قلبي منقبض وبالي غير مرتاح
والعزلة شئ مباح....
قالوا ما الذي يشغل بالك ايها المسكين
لما انت طول الوقت حزين
لما انت للافكار السيئة سجين
والعطاء داخلك جنين
والحب المكتوم انت له مدين
جعلته طول الوقت بقلبك دفين
عذرا ايها البشر..
علاقات الحب في خطر
التقدير والاحترام ذاب وانصهر
لا الليل عاد ليلا
ولا الشمس تشبه القمر
فلو كان باستطاعتي لغيرت القدر.
 الا تخجل من نفسك والاهك رب العالم اجمع
ويحك هو خالقك و رازقك الا تسمع
فكر تدبر في نعمه فعينيك من ذالك ستدمع.
قلت نادما  :ونعم بالله
هو رب هذا الكون ومولاه
هو المعين القادر على كل شئ جل علاه
سامحني يا رب العالمين
سامحني يا راحم الفقراء والمساكين
لقد كنت ضحية شيطان لعين
يا ربي ردني اليك ردا جميلا
واجعلني اذكرك نهارا وليلا
واتبع من اناب اليك سبيلا.

حادثة سير مميتة بطريق أولاد امكودو بين دراجة نارية وشاحنة لنقل المثلجات.

بني يازغة السبت, أبريل 15, 2017
حادثة سير مميتة بطريق أولاد امكودو بين دراجة نارية وشاحنة لنقل المثلجات.


حادثة سير مميتة بطريق أولاد امكودو بين دراجة نارية وشاحنة لنقل المثلجات.


انتقل الى جوار ربه عشية اليوم المسمى قيد حياته خ.ح اثر حادثة سير مميتة بين الدراجة النارية التي كان يقودها و شاحنة لنقل المثلجات.

ووقعت الحادثة على مستوى طريق أولاد امكودو المعروفة بحالتها المزرية، إضافة إلى ضيقها وكثرة وخطورة منعرجاتها و كذا غياب التشوير الطرقي العمودي والأفقي.

و بهذه المناسبة الأليمة، يتقدم طاقم موقع بني يازغة.كوم بأحر التعازي لعائلة الفقيد و أصدقاءه و إنا لله وإنا إليه راجعون. 

قصيدة بلادي لعمر الكرمي

بني يازغة الجمعة, أبريل 14, 2017
قصيدة بلادي لعمر الكرمي

السلام عليكم ورحمة الله تعالى وبركاته

اخواني اخواتي الكرام والكريمات، المتتبعين والمهتمين بالقصائد الزجلية والسرابات من التراث المحلي، اقدم لكم هذه القصيدة لها لون غنائي جميل، من الحان الشيوخ القدامى رحمة الله عليهم جميعا، تحت عنوان:  بلادي

بلادي

اهآ طالبين من الرب الاعلى
يشوف من البلاد وحالا
كولشي راه فالوحلة
دي صحيح ودي ضرير آي

اهآ شايفين الدنيا خضرا
منورة لوطا والحجرة
وطالبين  مول القدرة
ينعم علينا بالقطرة
ويفرح الفلاح كبير وصغير، آي

اهآ بلادكوم يا شباب الغد
كاتعاني فالشتا والبرد
وتقاسي ربيع وصهد
 وانتم باغيين الواجد
بلا محنة بلا سهير، آي

اهآ بلادكوم ا هايا البنات
بغاتكوم نسوان حررات
واقفات عل الصح والتبات
ماتهمكوم لا اشهارات
ولا موضة فالطويل والقصير، آي

اهآ بلادكوم السادة الرواس
كولكوم تاج فوق الراس
بغاتكوم تكونو حراس
وتخدمو مصالح الناس
وحنايا الحجرة دالساس
ونطلبو من الله التيسير، آي

اهآ بلادكوم السادة الجنود
رمز القوة والصمود
بغاتكوم تحميو الحدود
العدو دايما موجود
قلبو محساد وشرير، آي

اهآ بلادكوم السادة الكبار
رمز المسؤولية والقرار
بغاتكوم الخدمة والزيار
كيف المدينة والدوار
وتزيان الحالة مايبقاشي فقير، آي

اهآ بلادكوم السادة فالمهجر
قاطعين الرمال والبحر
دي بغاها تزيان وتكبر
بالمال فيها يستثمر
مايخسروش فبلاد الغير، آي

اهآ بلادنا بلا مصنع ولا معمل
شوف الفلاح والعاطل
كايدور العام كامل
شي يعاين يوجدلو العجل
شي يعاين يكبرلو الفحل
شي ازرع اللفت والفجل
شي قبط الحرير كايغزل
والموظف ماكفاه الصالير، آي

اهآ بلادكوم السيدات والسادة
كلنا جماعات وفرادا
نخدمو بالصفا فوق العادة
قدام الجيران ولعدا
ويتهز العلام فوق جناح الطير، آي

لحبيبة بن يازغة - خالد لهويتي

بني يازغة الثلاثاء, أبريل 11, 2017
لحبيبة بن يازغة - خالد لهويتي

لحبيبة بن يازغة - خالد لهويتي

هذه القصيدة مهداة لليازغيين واليازغيات عموما وللسيدين المحترمين نجيب التريد وعمر الكَرمي خصوصا.

واهيا لبلاد وهيا لبلاد 
فرحتي بك أيا لبلاد 
ناسك كراما وجواد 
من تاغيت وأنت هواد 
حتى لقنطرة دسبو 

واهيا لبلاد واهيا لبلاد 
جيب الغيطة والبندير
نفرجو الصغير والكبير 
راه لعمر دبنادم قصير 
ولهموم علينا غلبو

واهيا لبلاد واهيا لبلاد 
قم نديرو شي دورة 
ونبداوها من كركورة 
بلاصة لما والسدرة 
وعند الواد نشربو 

واهيا لبلاد واهيا لبلاد 
مرحبا بكم فمطرناغة 
حنّيو وديرو الصباغة 
وجدو الجلابة والبلغة  
راه الموسم حان قروبو 

واهيا لبلاد واهيا لبلاد 
مرحبا بكم فالقصبة 
فمجنان ولا فالشعبة 
ناسا عزازين وصحبة
ما نافقو ما نكذبو 

واهيا لبلاد واهيا لبلاد 
مرحبا بكم فملاحة 
تمّا الزين الصراحة 
ها صفية ها صليحة 
شاور ولدك وخطبو 

واهيا لبلاد واهيا لبلاد 
مرحبا بكم فتاغروت
أرض الحلفة والحانوت 
على بلادي نحيا ونموت 
واخا نكون صغير كنحبو

واهيا لبلاد واهيا لبلاد
مرحبا بكم فتاغيت
وفيها شحال تساريت
فجبل مالو غنيت 
ورعيت النعاج وهربو 

واهيا لبلاد واهيا لبلاد 
مرحبا بكم فمغيلة 
أرض الزيتون والغلة 
جيب المنفط والبغلة
وفرحى نطحنو ونكبو  

واهيا لبلاد واهيا لبلاد 
مرحبا بكم فدار حقون 
شحال تمّا وقلبي مرهون
سلباتو كحلت لعيون
خلاتو عايش فعذابو 

وهيا لبلاد واهيا لبلاد
مرحبا بكم فأولاد مكودو 
تشربو لحليب من لبيدو 
وتعبيو بيبي وليدو 
وتشكرو ربي وترغبو 

واهيا لبلاد واهيا لبلاد 
مرحبا بكم فأولاد مريان
شحال فيها الجو مزيان 
الطفلات فيها والصبيان 
خرجو ياجيو تلعبو 

واهيا لبلاد واهيا لبلاد 
المنزل ناسو صحاب 
وفالشدة ديما قراب 
كيف الخليفة كيف الكساب
كلها ينصر حبابو 

وهيا لبلاد واهيا لبلاد
مرحبا بكم فالقلعة 
ها لخير هنا دلگرعة 
دير كسكسو فجمعة 
وعرض على مينة وعبو 

واهيا لبلاد واهيا لبلاد
عشقي فيك أيا لبلاد 
جيت نكمل تسالا لمداد
غير سمحولي ويا لعباد
بن يازغة فقلبي وجنابو

قصيدة الطلاق وسباب الفراق لخديجة اليازغية

بني يازغة الاثنين, أبريل 10, 2017
قصيدة الطلاق وسباب الفراق لخديجة اليازغية

قصيدة الطلاق وسباب الفراق لخديجة اليازغية

في الاونة الاخيرة اصبحت بلادنا تشهد ظاهرة متفشية بكثرة حيث ملئت المحاكم بملفات وقضايا الطلاق ،وهذه الاخيرة راجعة الى قلة الوعي والادراك لمفهوم الزواج الحقيقي وما يعنيه من ترابط وتلاحم وقدسية من كلا الطرفين.
لهذا قمت بكتابة هاته الاسطر التي تعبر شيئا ما عن بعض من اسباب هذه الظاهرة، وااسف حقا لهذه الحقيقة المرة من واقعنا واطلب من الله ان يهدينا ويهدي الجميع سبل السلام. وشكرا.

يما واش هاد الزمان
يما تقاضى لامان
تقاضى الخير والحسان
حتى واحد ما بقى مزيان
كلشي ماشي بالكانة.

الزواج كمالة الدين
تستر المرا حروف الزين
الراجل يحدر العين
نفرحو بيهم كاملين
تكون حياة مزيانة.

يما هادشي ما كاين
كثرو علينا المحاين
والهم ولى هماين
ما تكملش عامين
راجل مهجج ومرا مغنانة.

خرج عليهم الاعلام
بغاو يقلدو الافلام
قتلم الهم والتخمام
ما بقاو يعرفو سلام
ما بقات فقلبم حنانة.

يتزوج الواحد ما على بالوش
بلي هاد الزواج مغشوش
وكلشي من بعد مفروش
والمنفوخ يولي منفوش
وتفركع الرمانة.

راجل باغي يتزوج
هو مازال مهجج
يتسارى برا ويغوج
فوسط دارو يتعوج
ديما حاضي المكانة.

راجل ما قاد بمصروف
راد اللومة عالظروف
كلامو يشحف الجوف
مرتو عايشة فالخوف
رحمها يا مولانا.

راجل مزوج وباقي
تابع البنات فالزناقي
ويقول سباب طلاقي
مراتو اما هو تاقي
هو دي كانلا فزمانا.

هاز التيلفون ويشاطي
ديما فالتعبئات ويراطي
ما يحط عالحروف نقاطي
يضيع الفلوس بالقباطي
وولادو قالو بانا نسانا.

ديما على برا تالف
وفمرتو ديما حالف
هضرتو بحال الجارف
معطل كيف موالف
داق القيطون فالقهوة وركانا.

حتى المرا فيها حقا
ماشي غير وطلقا
عايش معاها فالحرقا
نسات الله لي خلقا
طايرة ما تعرف رزانا.

مخشية فالكوزينة
ما تسمعلو كلمة حنينة
خدامة كيف الماكينة
تلاقيه فيدها العجينة
وتقول المصروف ما كفانا.

تقولو حبيبي ما حلاك
قلبي راه بغاك
نعيشوا غير انا وياك
ما تكون ختك ولا يماك
نفرحو ونعيشو هوانا.

داتلو عقلو مسكين
من بعد ما كان رزين
ديما راد دموع  العين
ديما يتمتم وينين
ربي هاكدا بغانا.

ديما خارجة من الدار
تعرف الغريب والجار
هو ما جايب خبار
ديما مبخرا لو بالعرعار
هاد الهم منين جانا.

بلا سحور وشعواذا
الراجل منها يتاذى
هادشي دابا يتقاضى
هزي التسبيح والسجادة
تعيشي معاه سلطانة.

الفايسبوك والواتساب
دمرو عقلها يالحباب
ما بقات تعرف صواب
ديما سادا داك الباب
كتزنزن كيف الذبانة.

حوتة تخنز الشواري
ضاعو بنات ودراري
لي مضيع حياتو فالصحاري
ولي داير ومساري
هاد المصير راه عيانا.

المحكمة بالدعاوي عمرات
بين زوج صعابت الحياة
بينهم ضاعو الوليدات
يميزو ويخسرو فليسات
والدولة يحسن عوانا.

نجي نعاود كاين بزاف
كل واحد من الزواج يخاف
كاين الناس وكاين الجياف
كاين الغيس وكاين النشاف
ماكاين لي يعطيك الاعانة.

الراجل خاص يكون راجل
ما يكون على مرتو غافل
يحضي ولادو ويقابل
ويكون فحياتو عادل
ما يقولشي غير انا.

المرا خاص تكون مرا
تكون عفيفة نقية حرة
تضوي دارها كيف الكمرة
ما تعيشي فالقهرة
تكون قارية فنانة.

التيقة تكون بيناتم
يفكرو فمصير ولادم
ينساو هضرة بنادم
يسايسو ويديرو اللازم
وربي يكون معانا.

ليس مثلي.. النصح والمال في هذا الزمان

بني يازغة السبت, أبريل 08, 2017
ليس مثلي.. النصح والمال في هذا الزمان

ليس مثلي ... النصح والمال في هذا الزمان


لَيْسَ مِثلِي يَظلِمُ النّاسَ
فِي أفكَارِهِمْ عَمْدًا وَيَعْتُو فَسَادَا 
جُنِّبَتْ آرَاؤُنَا   مِنْ  شُطُــــــــوطٍ
لَمْ  يُرَدْ نُصْحًا بِهَا بَلْ حِيَادَا
جَاشَ قَلْبِي يَوْمَ أضْحَتْ شُمُوسٌ
كَاسِفَاتٍ  لَا  تُطِيقُ  البَيَـادَا
لَا دُموعًا  حُرْقَ  أشْفَتْ  صُدُورًا
مِنْ كَظِيمِ الحَيْفِ فِيهِمْ جُسَادَا
أمْ  جُفُونًا  سَاهَرَتْ  كُلَّ  لَيْــلٍ
مِنْ هُمُومٍ لَا تُبَالِي السُّهَادَا
لَجْمُ  أفكَارٍ  عَليْهِمْ  لَأقْسَـى
مِنْ فَقِيدٍ  فَاجِعٍ  لَا  يُعَـــادَا
صِرْتُ  فِي  أكْنَافِ  قَوْمٍ  أثَارُوا
فِعْلَ شَرٍّ وَاسْتَهَانُوا المَعَادَا
غَيْرُ  مُجْدٍ  فِيهِمُ  النُّصْحَ  عَثـّــًا
أمْ يَكُنْ قَوْلِي  يَزِدْهُمْ  بِعَادَا
هَلْ  رَأيْتُمْ  نَاصِحًا  إذْ  تَحَاشَـــا
مُخْطِئًا لَمْ  يَتّعِظْ  بَلْ تَمَادَى
أُدْخِلُوا  بَيْدَاءَ  جُرٍّ  وَجُـــورٍ
فُقِّدُوا فِيهَا  وَزِيدُوا  كَسَادَا
خُلْفَ إِنْ هُمْ عَاهَدُوا  قَدْ  تَجِدْهُمْ
مَا  لَدَيْهِمْ  مِنْ  وَفَاءٍ  بُدَادَا
وَاسْتَبَاحُوا  أكْلَ أقْوَاتَ قَــــــــوْمٍ
مِنْ  حَلَالٍ  أوْ  حَرَامٍ  نِدَادَا
مِنْ  وَرَاءِ  المَالِ  سَارُوا  سِبَاقاً
وَيْ كَأَنَّ المَالَ يُسْدِ الخِلَادَا
يَا كَثيرَ المَـــالِ لَا تَنْـــسَ يَوْمـــــًا
تَنْزَوِي مَغْشِي الثّرَى وَاللِّحَادَا
لَا  بِمَالٍ  مِنْ  عِقَابٍ  سَتَنْجُـــــــو
بَلْ  بِكُرْمٍ كُنْتَ  تَأتِي  جَوَادَا
سِرْ  رُوَيْدًا  لَا  اخْتِيَالاً  بِــــأرْضٍ
تَحْتَهَا قَدْ صِرْتَ يَوْمًا جُدَادَا
لَا  تَثِقْ  فِي  حَالِ  جَاهٍ  بِـــــــدَارٍ
حَرْثُهَا زَيْفاً يُجَارِي الحَصَادَا
بَعْدَ  رَغْدِ  العَيْشِ  لَا  قَدْ  ظَنَنْتُمْ
تُقْلَبُ  الأيَّامُ  أخْرَى  شِـَداَدا
وَاعْتَبِرْ... مَنْ كَانَ يَوْمًا فَقِيــــــرًا
غَارِمًا  مِنْ ضيقِهِ  اسْتَجَادَا 
تُقْلَبُ الأيَّامُ بَيْنَ  الأنَاسِـــــي
يَقْضِ فِيها رَبُّنَا مَا أرَادَا 
أنْتَ  مِنْ غَدْرِ الزّمَانِ  اسْتَحَالَتْ
فِيكَ  أيَّامُ  الغِنَى  لَا  تُعَادَا
مِنْ ظَلَامِ الغَيِّ  بَادِرْ خُرُوجــًــا
وَاسْتَعِنْ  بِالله  تَلْقَى  العِدَادَا
لَا  وَإِنْ  أسْرَفْتَ  ظُلْمًا  فَعَجِّـــلْ
تَائِبًا  كَي  تُؤتَ  غَفْرًا  تُفَادَا 
رَبّنَا  بَدِّدْ  مَا  لَنَا  مِنْ  خَطَاءٍ
لَا  تَدَعْ فِينَا  شَقِيًّا  نَكَــــادَا
مِنْ رَسُولِ  البِرِّ  نَرْجُو  شَفِيعًا
يَوْمَ  يُمْنَى  كُلَّ  عَبْدٍ  رَشَادَا
حميد البقال           

قصيدة النحلة لعمر الكرمي

بني يازغة الخميس, أبريل 06, 2017
قصيدة النحلة لعمر الكرمي

السلام عليكم ورحمة الله تعالى وبركاته.
اخواني اخواتي الكرام والكريمات، المهتمين والمتتبعين للقصائد الشعرية والزجلية والسرابات للتراث المحلي، أقدم لكم هاته القصيدة، على طريقة الصينية والكيسان، أتمنى أن تروق إعجابكم، تحت عنوان: النحلة


وايا النحلة ترعى الورد والنوار
وايا النحلة ترعى العشوب والازهار
وكاتلقح بين الثممار والذككار
علمك معروف مايحتاج تطوير

ويا النحلة عسلك باين معروف
وراه باللون والمذاق موصوف
وكاتجبرو فالمتاجر فجميع لرفوف
والثمن باين ما يحتاج تسعير

ويا النحلة مذكورة فالسنة والكتاب
وراه عسلك مكون من جميع الاعشاب
وكايداوي شللا د الامراض والاعطاب
عسلك صافي مايحتاج تكرير

ويا النحلة راهم عرفو قيمة دواك
ويا النحلة راهم عرفو قيمة الاشواك
وراك داويت شحال من مرض فتاك
 حار فيه الطبيب والخبير

ويا النحلة ساكنة فالغابة والجبال
وا مايوصلك غير الشديد فالرجال
ا ما يسلم من قريصك فجميع الاحوال
يرجع حنكو بحال ايلا منفوخ بالكير

ويا النحلة راهم كثرو شحال دالفروع
أ كايبيعو جبحك من الشمع مطبوع
أ كايبيعو العسل مغشوش غيرمصنوع
ماتفرق بينو وبين الكونفيتير

ويا النحلة حبسوك فداك الصندوق
وراهم بعدوك عل الليمون والبرقوق
وكايعلفوك السكر مسوس فالذوق
ويقولو عسل حر ما فيه تزوير

ويا النحلة معروفة بالصدق والامان
وكاتدافع عل الجبح وتحمي المكان
وما تخليش الضرر يوصل كيف ماكان
تضحي بحياتك ويعيش السلطان الكبير

خاطرة أريد امرأة.. لخالد لهويتي

بني يازغة الأربعاء, أبريل 05, 2017
خاطرة أريد امرأة.. لخالد لهويتي

أريد امرأة - خالد لهويتي

أريد امرأة 
أنا حقا
أريد امرأة ..
امرأة
تكون كل الأحلام ،
تملأ الفراغ الموحش ببيتي
تسكن قلبي اليتيم
تعانق الحزن فيه
وترتل له آيات السلام ،
امرأة
تهدهدني كأم
وعلي تحنو ،
تنسيني كلما عصفت بي الذكرى
وتغني لي كي أغفو ،
أريد امرأة
كالروح
تتغلغل في كياني
تسافر في شرياني ،
امرأة
كياسمين القدس
وسكينة القدس
وصلاة القدس
تكون بلسما
فتشفي كل جروحي ،
أريد امرأة
لا مساحيق تغريها
ولا بريق القلائد ،
ترتدي ستراتي الطويلة
وتعاركني بالوسائد ،
امرأة
تقول حبيبي تعال
فتقبلني ..
بنهم تقبلني
على يدي
على خدي
وتهرب في أرجاء البيت
تضحك كالأطفال ،
أريد امرأة
تبعثر شَعري
تشاغبني كثيرا حين أقرأ
وحين أكتب
يبكيها شِعري ،
امرأة
تقول حين أشرد
ها عيوني 
تلد القصائد
فكن شاعرا 
واقرأ ما بعيوني 
وها جسدي 
لوحة إلهية
كن فيلسوفا
وتأمل جسدي ،
أريد امرأة
تستيقظ كل صباح قبلي
تركن إلى الزوايا
وتكتب اسمي ..
تكتب حبيبي "أحبك"
على المرايا
بأحمر الشفاه ،
أريد امرأة
تكون موتا جميلا
تقتلني ..
وتكون حياة
فتحييني أمدا طويلا

ل | خالد لهويتي

قصيدة يام الربيع لعادل اليازغي

بني يازغة الثلاثاء, أبريل 04, 2017
قصيدة يام الربيع لعادل اليازغي

السلام عليكم و رحمة الله تعالى وبركاته. 
بعد الغياب يحلو اللقاء، أعزائي عزيزاتي متتبعي و متتبعات موقع بني يازغة وخصوصا السرابات والقصائد اليازغية و بمناسبة حلول فصل الربيع، أقدم لكم قصيدة بعنوان يام الربيع.

عسلامة واهيا لغزال
صورتك ماتفارق البال
لقا غيابك فيا لهبال
تلاقيتك بداك الطبال
وبالغيطة الطرح مكمول

عسلامة واهيا لغزال
سرج الخيل راه مزوق
والشمريخ راه مدوق
والتغزاز يارا طرطق
رمش العيون عند الكحول

عسلامة واهيا لغزال
فصل الربيع هذا نوّر
والنملة فالزاد تقور
حب رورو غزال مدور
التلج طاح فالشعاب ولسهول

عسلامة واهيا لغزال
الرحمة دربّي مشمولة
والخبزة راها مكمولة
والصابا غزالة والعولة
والفلاح منجلو مسلول

عسلامة واهيا لغزال
ياداك الفصل الفنان
نحمدو لكريم المنّان
ونصليو على طاه العدنان
بخير ربي كولشي مشمول

عسلامة واهيا لغزال
وبنادم مقاد الگانة
والبهيمة راها فرحانة
يام الربيع ديما مزيانة
والوريدات البويط دالفول

عسلامة واهيا لغزال
بيك كانسفالو بالعام
وجه الصيف كامل لرسام
كنحيي جميع الاعلام
حقل بنيازغة من اجمل الحقول

قصيدة مزيوقة لمحمد ارطيلي

بني يازغة الاثنين, أبريل 03, 2017
قصيدة مزيوقة لمحمد ارطيلي

نظرا لما يقع في بلدتنا من نهب للتراث كزوشن ومزيوقة وأنواع اخرى فلقد أثار انتباهي ذلك وأحببت ان أدوّن هذه القصيدة لعلهم يتوقفون عن فعلهم الشنيع.

قطّاوك يا مزيوقة خويت
ونتركت حتى خليت
فالزيتونة تما بنيت
وشحال طرت وعليت
ما قالوك دوك الخلاقي...

جا العدو بالزربة
ونصبلك ديك النشبة
وعبّاك حبة حبة
قطاك ودار السبّة
ما خايف ما متاقي...

جمعك نثى وذكر
وحتى الفراخ دي فالصغر
ما شاف للبيض ولا عذر
قلبو قاصح كيف الحجر
ربي قادر وباقي...

العين عليك ا مزيوقة
وقطّاوك بديك اللصقة
دي نزل فيها تما بقا
هجروك البلاد بالسرقة
وخلاو القلوب فالحرقى
وحبسوك فقفص راقي...

الجنان عليك يبكي فضيق
بعدما كنتِ لو صديق
راشقالو وفصوتك كايتيق
كان الامان منّو طريق
وكاتشرب من السواقي...

يا مزيوقة هذا زمان
كنتِ عايشة ف الأمان
فوق الشجرة د الرمان
تنسّينا الهم والاحزان
ليلك طالت شواقي...

قبطوك وعملوك فالقفوص
مافهموكشي دوك اللصوص
ما رگبوشي كان مخصوص
ما عرفوشي كان منقوص
من غناك باين شاقي...

والحرية من حقّا
طلقولا تشوف طريقا
ماتبقاشي فالضيقة
لوكان تفهما تيقا
يا عديم الأخلاقي...

طمعو فيك ا المقنين
غصبوك فغناك الزين
نطلبووو الله الحنين
ويتوب عليهم آمين
مايقطعوشي العناقي...

قصيدة بني يازغة و الحضارة لخديجة اليازغية

بني يازغة السبت, أبريل 01, 2017
قصيدة بني يازغة و الحضارة لخديجة اليازغية

نظرا لما شهدته منطقتنا مؤخرا من تغيير واصلاحات ونتمنى المزيد إن شاء الله والافضل حاولت إبراز بعضا منها في  بعض المجالات  في هاته الأبيات القليلة وأتمنى أن تنال اعجابكم.

بني يازغة رجعلك الشان
يجيولك من كل مكان
يسكنوك يحسو بلامان
فيك الراحة والجو مزيان
 ما يحسو لا برعب ولا خوف.

ناسك ناس الصفا و النية
يلا قصدتم حاجتك مقضية
يرحبو بيك صبح وعشية
 اجي لهنا وتيق بيا
جربم انت وتشوف.

عرفت الحضارة والتنمية
وجات المبادرة الوطنية
تصلحات الادارة العمومية
فرحنا بالالتفاثة الملكية
ولا كلشي مكشوف.

بنتي فبرامج تلفزية
حضرت فمواقع اجتماعية 
وزدت فمحطات اذاعية
يهضرو عليك من كل ناحية
وريحك يبرد الجوف.

نشكروا الجهات المعنية
دارو مقاولات صغيرة نقية
اهتموا بالغرف الفلاحية
تربية الدجاج والقنية
المعيز وحتى الخروف.

مهتمين بالمرا القروية
عاطينها الاولوية
دخلوها محو الامية
تعلمات صنعة تقليدية
حياكة الخيط والصوف.

موجودة فيك جمعيات
شكلوها رجال وعيلات
جاوها من كل جهات
زايدين بكل تبات
قاريين وحافظين الحروف.

فيك يا بلادي ريحة الجنة
فيك الملعب كيتبنى
يلعبو فيه ولاد ولادنا
يا ربي يكمل مرادنا
ما نساو هاد المعروف.

بغينا السياحة تجي وتزور
بلادنا واخا ما عندنا بحور
فيها الشجر فيها الطيور
تبنى فيها فنادق وقصور
تروج و تعاونا عالمصروف.

يا بلادي والله ما نساك
روحي ودمي فداك
عيني عشقتك وقلبي بغاك
ربي من خيرو عطاك
نحمدوه ونهزو الكفوف.

قصيدة الطير المهاجر لعمر الكرمي

بني يازغة الأحد, مارس 26, 2017
قصيدة الطير المهاجر لعمر الكرمي

قصيدة الطير المهاجر لعمر الكرمي

السلام عليكم ورحمة الله تعالى وبركاته.
اخواني اخواتي الكرام والكريمات، المهتمين والمتتبعين للقصائد الشعرية والزجلية والسرابات للتراث المحلي اقدم لكم هاته القصيدة ،اتمنى ان تروق اعجابكم، تحت عنوان الطير المهاجر.

يا الطير المهاجر
خلليت الرحبة والنادر
والجنان عامر شجر
وقطعت الواد والحجر
وقطعت رمالي وبحر
وقصدت الخلا والقفار

يا الطير المهاجر
بوحدك تفكر وتقرر
ماتسول ماتشاور
كاتنساني وتغادر
وتعللي وتغامر
وتمشي ماعرفت عليك خبار

يا الطير المهاجر
كاتجيني نحيل ضعيف
وتجبر الجو صافي ونظيف
ونعاملك لطيف ظريف
وتعيش عندي ربيع وصيف
غير كايتقاضا الخريف
كاتحرك جناحك فالسما طيار

يا الطير المهاجر
كاتجيني وتختار العرش
ونخليك تبني فالعش
وتجيب فالحب والقش
ونحضيك من اللفعى والحنش
حتا يكبرو الفراخ صغار

يا الطير المهاجر
غير قولي سباب الفراق
كانخليك فالسما حللاق
ياك ما الشجر طاحولو الاوراق
هاديك قدرة الله الرزاق
يرزق الحوت فاعماق البحار

يا الطير المهاجر
غير قولي سباب الهجران
ياك عايش عندي فرحان
وفراخك فالحفظ والامان
ونبعد عليك الصبيان
ونحميك من جميع الاخطار

يا الطير المهاجر
غير قولي سباب الهجران
نبدلو ونجهزو المكان
ونصففيو الجو مزيان
ياك ماقهرتك ليالي حيان
هاديك قدرة الله المنان
قادر بالكون وعارف الاسرار

يا الطير المهاجر
كاتخليني وتمشي وتغيب
مافكرت فالولف صعيب
دقتو فالكبدة والقليب
مايداويه حكيم طبيب
دواه تغريدك فقلب الدار

يا الطير المهاجر
حبستك بين السلوكا مسجون
باش تبقا عندي مرهون
ونسمع الصوت الملحون
كانت فكرة ابليس الملعون
باش تعرفني محساد ومغيار

يا الطير المهاجر
جبت لك الما والحب
والعش بالقطن رطب
كاتقييل محبوس معذب
عل التخمام باغي تهرب
ماهمك الماكلة والشرب
هامك تعيش بين الاطيار

يا الطير المهاجر
الحرية ماعندا ثمن
ايلا هجرت وبدلت المكان
راك ماجبرت عندي امان
خايف تعيش الاحزان
طير ولحق الطيور الاحرار