القائمة الرئيسية

الصفحات

جديد عمر الكرمي: الحنين إلى الماضي

 

الحنين الى الماضي - عمر الكرمي

هذا هو عنوان القصيدة الزجلية من مقامات التراث اليازغي المحلي، إلى كل الأهل والأحباب والأصدقاء الأعزاء وكل عشاق القصيدة وفن الثرات الاصيل أهدي هاته القصيدة المتواضعة...
 
وكان جدي راجل كريم وبخيرو
ما كااايرضاش بالبراني ولا بغيرو 
واليااب ديما محلول قدام جارو 
ويلاااا جاهم الضيف بالفرحة يطيرو 
هادااك جدي هاديك هي العاداااات

وكااان جدي راجل كبير وكولشي يسمعو 
ويلاااا آمر فالدار كولشي يطيعو
ديمااا مع الحق وحتا حد ما يمنعو
ما كاايعرفش الظلم وحق الغير ما يبلعو
وعلااا يدو وشحال دالمطلقين رجعو
وعلاا يدو وشحال د الغراض تقضاااات
 
وكااان جدي راجل كبير والكلمة
ويلااا اهضر كلامو الامثال والحكمة
ويلاااا قصدتو ادخل وهزز من العرمة
ويلاااا حازك الضيم عند الكريم تبااااات

وكااان جدي راجل كبير وحاضي العرصة
ويلااا وقصدتو ادخل وكول وحافظ عل الغرسة
وفااااين ديك ليام وفاين ديك الڭلسة
وفااااين داك الخير عمرو مايتنسا
مشيييت ايا جدي والعيون نشفااات

واغيير مشيت يا جدي الخير تبعك
ومااا بقاش فهاد الدنيا لي يعجبك
وا غيير الراس مقررع ما يسمعك
وا غييير الكلام الخاوي ما يقنعك
وا غير الزواق والنفاق كولشي يخلعك 
ومااا بقا تميييز بين ذكورا وإناااااث

وا غييير مشيت ايا جدي مشا المعقول
ومااا بقا غير الزور وكثرة الفضول
ويلاا قصدتو تدق الباب ما يقولك ادخل
ويلاا صونيت عليه ديما الخط مشغول
ويلااا تلاقيت معاه الهضرة تسالاااات

وا فاااينك ايا جدي وفاين ايام الاعياد
و كااانت الفرحة عل الوجوه بنات واولاد
وفاااين ديك الڭلسة عمرها ما توجاد
مشيييت ايا جدي والصلة تقطعاااات

وا غيير مشيت ايا جدي غاب الحيا
وا مااابقاش المعقول ومابقات نية
دبااا الدري يقتل اباه عل البلية
واماااا البنات طغاو باسم الحرية
ويلااا اهضرت معاهم انت ايامك سالاااات
   

تعليقات