©AFP
قصيدة واهيا لولاد - عمر الكرمي
بمناسبة فوز المنتخب الوطني في كرة القدم وتأهله الى الربع النهائي للمونديال قي قطر، أهدي إلى عشاق القصيدة الزجلية والثرات اليازغي الاصيل هاته القصيدة بعنوان "واهايا الاولاد "
وااهايا الاولاد واهايا الاولاد
جبتو العز فقطر
مع الفرق الكبار
حققتو هاد الانتصار
كانعاينوه من سنوات
واهايا الاولاد واهايا الاولاد
جابها الراس دلافوكا
مع كندا وبلجيكا
ما قضى ثور ولا موكا
وما نفعتم الوجهيات
وهايا الاولاد وهايا الاولاد
تستاهلو لقب الاسود
والشباب عملو مجهود
بقا الثور من گرونو مشدود
وطريق المرمى مسدود
مايدخلوشاي الكورات
وهاايا الاولاد واهايا الاولاد
شرفتو هاد المونديال
تستاهلو تكونو ابطال
بالعزيمة والقتال
توصلو للنهائيات
واهايا الاولاد واهايا الاولاد
حققتو الفرحة والامجاد
نتفكرو تاريخ الاجداد
ايام طارق بن زياد
والمسيرة فالسبعينات
وا هايا الاولاد وهايا الاولاد
بقات دبا غير البرقطيز
وفرنسا ياو النگليز
والوطن فالقلب عزيز
ندافعو عليه حتا للممات
عمر الكرمي
تعليقات
إرسال تعليق