القائمة الرئيسية

الصفحات

الحلقة الواحدة و الخمسون (51) من مسلسل حياة

حفيظة غطي جلابتك ويا الله، نمشيو نباتو فدارنا راه الحال قريب، هز لانبة راه الظلام مد يدك ما تراه 
گلسو ا منانة تباتو حتا للصبح؟؟  راحنا قراب والفراش موجود؟؟ 
لاواه ا محجوبة، البهايم والدار بوحدا؟؟، مانقدرشي، 
ايوا ها هو العربي ماشي يمشي، هو ومراتو، كلسو انتينا وحياة حتا للصبح؟؟ 
لا ا الحبيبة غير خلينا نمشيو، الله يكثر خيرك؟؟ ايوا زيد ايما راها الهضرة ما كاتقاضيش،؟؟؟ 
عطيه ا حفيظة لانبة يدررقا بجلابتو راه الشرقي كايسوط ماشي تنطفالك؟؟؟
عنداك ا حفيظة واحد قرقورة؟؟؟  هههه
حفيظة كاتعلق فحياة وكاتغوت واحد الغوتة مجهدة،!!! هههه
اللقوا يا العربي!!!!، مفضوح فالدار وعلا بررا؟؟ هاكدا عجبك يا المفضوح؟؟  ماشي تطييحلا داكشي دي فكراشا،؟؟؟؟، 
ايوا شوف ا مراة خالي،؟؟  تقول كانجبدو؟؟؟ 
اجي لحدايا وخليه، هاداك راه مفضوح
لاغدا مشا مصطفى لعند اختو لبني سادن
اما حميد خاه، هز ديك المسجلة صانيو علا كتفو وخرج للدوار، وطالقلا علا مافيها من جهد، نجاة كتابة محييحة يالله بانت، والكواسط دي رويشة، وناس الغيوان، وجيل الجلالة، ومشا للدراز ودخل وعملولو البلاصة هو مول المسجلة؟؟؟ 
اخاي حميد؟؟  اعملنا داك الديسك دي نجاة عتابو، راه يا الله اخرج؟؟، ا لوليد ا لوليد؟؟؟ 
لا هاداك ماعنديش اخاي عزيز،؟، عندي الكاسيطة ديالا وايني كاتقول، وانا ماسخيت بفراقو هو لي اسخا بيا، ههههه
وگازت ديك الليلة فالدراز كولشي ناشط، 
جا سي ادريس من الرباط هو ومراتو بهية، ايوا فرحة اخرى عند منانة
علا سلاااامتك يا خيي، والله ايلا عملتا مزيانة، راه هنا مصطفى وماشي نعملو العرس لحياة؟؟
راحنا غدا ماشي نمشيو نفقولا، كانعاينوه غير يرجع من بني سادن
صافي ابنتي يا حياة،؟؟؟  دغيا بغيت تقبط بلاصتك؟؟، لو كان غير كملت قرايتك؟؟ 
احبيبي عياتني ديك الطريق، وهاد العام واعر بزاف، عندي الباك، والدورة الاولى كانت عندي عيانة، 
ايوا الله يسخرلك ابنتي، حتا مصطفى راه ولد الناس، من نهار جاو لعندي هو وحسن، وانا حاسبو بحالو، الله يكمل بالخير
ماما بهية،؟؟  جابك الله تمشي معانا غدا لصفرو تختارلي الحوايج، انتين كاتعرف تختار،؟؟؟ 
وخا ابنتي، دبا نعبي معايا البنيتة الصغيرة، اما نبيل نخليه مع احبيبك
نسيت هاد البنيتة الصبيبحة،؟؟  كيف سميتا؟؟؟ 
ايوا راك عارفة السمية دي عزيزة عليا؟؟ 
راني سميتا عليك يا بنتي يا حياة
حياة قامت ودررعتا، الله يكثر خيرك يا ماما بهية،
او مشاو لصفرو وتقداو الحوايج والخاتوم، ومصطفى شرالا سنسلة، وهي بالفلوس د الصداق شرات جوج خيوط، وجات فرحانة ماقدتا فرحة، وسي ادريس مشا هو والعربي وجمعو الناس من الدوار باه يكملو 12 لواحد يعملو البينة لحياة، وقيدو عند العدول، واتافقو يبداو يوجدو العرس من غدا
يتبع...