مسلسل "حياة" - الحلقة 49

الحلقة التاسعة و الأربعون (49) من مسلسل حياة

وهاكداك گازت 6 شهور وهوما كايعاينو مصطفى يجي برمسيون تعطل، مامولفشاي كايبقا هاد المدة كوللا وايني ظروف الخدمة هي هادي، ومشات منانة لعند محجوبة كاتصقي وتعرف الخبار

ايوا اشخبارك ا محجوبة؟؟، ماكاين اخبار علا مصطفى وحسن؟؟  والله ا الحبيبة ايلا القلب ديالي مخطوف من جهتم، مامسانسينشاي كايطولو؟؟، وايني راهم فيد المخزن؟؟؟ 

والله اخيتي يا منانة ايلا بحالي بحالك، داك النهار عاد جات البرية ديالو، قراها عليا حميد، ايوا مسكين كايسلم علا كولشي وكايوصي فيا علا حياة، وقالي ايما بقا تعبي الفقدة فكل عيد؟؟، ودي خصك نصيفطولك؟؟ 

هاكداك حسن يا محجوبة، قالي فالبرا دي صافط، وايني يا الحبيبة مانخبعشاي عليك، راهم ماكايقولوشاي،القلب مشووش من جيهتم

رشيد ارجع للجامعة يكمل قرايتو من بعد ماتهدنت، ومابقاوشاي الاضرابات، وخا هاكداك ديما راد البال، الجامعة مابقاش فيها الامان

اما حياة، مندي خطبا حسن زادت قرات شهرين وبانت النتيجة دالدورة الاولى، وكانت ناقصة بزاف وهي تخرج وگلست فالدار، كاتعاين مصطفى يجي يعملو العرس

العربي من بعد ما كمل الطحين فالرحى، واجمع الزيت، بدا كايبيع الزيت فالسوق، واصبح معروف، عندو زيت نقية وما مخلطاش، ومراتو حفيظة كاتبيع فالدوار لمالين الدوار، وايني حتا هي بخبيزتا، مرة تعطيه، مرة تخببع عندا، والعربي بحيت حاملة وكاتوحم ما كايردشاي البال وما كايحككرشاي معاها، 

ا العربي؟؟، تشههيت أغلال بالعشوب ديالو؟؟؟، وديك المرقة ديالو؟؟ 

وفايرراه ا حفيظة، ياغلال؟؟، خاصنا نخرجو نلقطوه من أكراكر، اما هاداك دالخربة ود الصابرة مامزيانشاي، كايكون حررر بزاف؟؟ 

ها منانة سمعتم كايهضرو علا لوحم؟؟ 

امالك ا حفيظة؟؟؟، اش قالك بالك؟؟؟ 

والله يا مراة خالي الى تشهيت شي قدرة د أغلال ويكون بالعشوب ديالو وديك المرقة ديالو نشربا؟؟؟؟

ايوا اجمع يداك؟؟  عنناك تحك فحناكك؟؟  يمشي يخرجلكم الولد وجهو مزرگط؟؟، 

غدا نخرج لداك الطهر نلققطو، ونجمع شوييش دي جوشن؟؟ والسحتر، وراهم عندي شي عشيبات حايطتم 

نمشي معاك ايما؟؟ راني مندي خرجت من القراية ويانا فالدار، مگابلة غير العقد والشغل

اما مصطفى مسكين يا الله عييطو رجال البلاد و وصل للدار ودخل علا يماه محجوبة، غير شافتو ماقدتا فرحة لا هي والا باه عمي المختار ولا خاه حميد، وايني باش تزيد تكمل الفرحة صافط حميد كايعرط منانة وحياة والعربي مراتو يقصرو عندم فالدار، وداك النهار كيف معروف شعلو البوطة؟؟؟؟، ماشي لانبة، ههههه