مسلسل "حياة" - الحلقة 26

الحلقة السادسة والعشرون (26) من مسلسل حياة

- أ ادريس؟؟؟؟، راني مشيت هاد النهار للمدرسة، وسولت علا حياة، قالتلي الاستاذة ديالا، راها مزيانة والخط عندا غزال، وايني المشاركة عندا ضعيفة..
- ولياه ا حياة ماكاتشاركش فالقسم؟؟؟
- احبيبي، يانا كانهضر بالهضرة ديالنا وكايطحكو عليا البنات والدراري، ههه، ومابقيتش كانهضر.
- لاواه ابنتي غير اهضر كيف بغيت، النهار الاول يطحكو ومن بعد يولفو عليك بلي يازغية، ههههه

راح رشيد لدارم واجبر يماه مسكينة بوحدا..

- مسا الخير ا يما!!!
- مسا الخير اوليدي، اشخبارك ا رشيد؟؟؟ ايوا لياه اوليدي، لا ترگيبة لا تطليلة؟؟؟، اسانست فداك المنزل، او جبرت ما احسن؟؟؟
- لاواه ايما، غير مع القراية وصافي
- ايوا سير ابني بددل حوايجك، علا ما نسخنلك ما تاكل، راها واحد البرية دي خاك جات!!!
- هاني ماشي نجيبالك راني حايطتا..
- اه قالالي العربي، راني تلاقيتو
- ايوا اقراها ابني عليا نسمع؟؟؟

قبطا رشيد وبدا كايگوز بعيناه ويرجع، يگوز ويرجع وفالاخر قاللا راه لاباس عليه وكايسلم عليك..

- صافي ا رشيد؟؟؟ من الصبح وانتين كاتگوز وترجع بعيناك ،هادشي كلو غير السلام؟؟؟
- ايوا صافي اراها لاون، حتا نعبيها لسعيدة تقراها عليا!!
- والله ايما ايلا غير السلام ماكاينشاي شي حاجة،؟؟، وايني بلاتي نقراها عليك باه تتهنا ويرتاح قلبك، ههه

" بسم الله الرحمان الرحيم

والحمد لله وحده والصلاة والسلام على اشرف المخلوقين وسيد المرسلين، عليه افضل الصلاة وازكى السلام.

اما بعد،

يسرني ويشرفني في هذا اليوم السعيد، الذي رفعت قلمي وورقتي البيضاء، لكي اكتب لكم هاته الرسالة، راجيا من المولى عز وجل ان تجدكم في احسن الظروف والاحوال.

اولا وقبل كل شيء، اتقدم باحر السلام على امي الحنونة، سلام تتبعه الآلاف من التحيات والاكرام، سلام اغلى من الذهب وابيض من الحليب واحلى من العسل، واتمنى لها دوام الصحة وطول العمر ان شاء الله.

كما اقدم سلامي الحار لاخي العربي ولا انسى اخي الغالي رشيد، كثيرا من السلام، واطلب منكم ان تبلغوا سلامي الى عمتي وابنائها كل باسمه، والى جميع افراد العائلة والى كل من يسأل عني بالخير والاحسان.

امي الحنونة، اقول لك باني في حالة جيدة، وانا الان في التداريب وكل شيء يمر في احسن الاحوال، لا ينقصني سوى النظر في وجهكم العزيز والجلوس معكم في اقرب الاوقات ان شاء الله، والسلام عليكم ورحمة الله وبركاته.

كاتب الرسالة ابنكم البار حسن.

الجواب في الحين كالدمعة في العين."

- ايوا لياه ايما،!!! يانا كاتقرا وانتين كاتبكي؟؟؟
- اوليدي غير الفرحة دي خاك حسن، مسيكن كايسلم علا كولشي مانساش حتا عمتو و ولادا، الله يرضي عليه مسيكن،
- مانعاودشي نقراها ايلا كنت تبدا تبكي؟؟؟
- لاواه اوليدي، غير توحشتو مسيكن، هاك اوليدي الحلاوة ديالك، راه يكون مابقالكشاي، ههه
- ههههه، ياك ايما ماشي تخلصني،؟؟؟ لياه شحال عندنا منك؟؟؟ والله مانقبطا!!!!
- ايوا علا خاطرك ابني، غير تخصك شي حاجة قولالي..

وايني منانة ماتهناش الخاطر ديالا، جمعت البرية وخبعتا فصدرا وعباتا لعند سعيدة تقراهالا
الله يسمح لنا من الولدين

يتبع...