![مستملحات عمي التهامي ومراتو رقية - الحلقة 2 مستملحات عمي التهامي ومراتو رقية - الحلقة 2](https://blogger.googleusercontent.com/img/b/R29vZ2xl/AVvXsEh7VH5qta0ZsaujMPxcQHCI7qvK20Kf-k3-K8j6Cuf7yr1mEtHRaLOPpXSG5AloVyGZYf-jkvoBIdldH9T-1TYPaoCtV7TKaM0CqL9qI1S5JL17DTVQ8JJfo4NPf-jkAFfcsnw8NjRqhR18/s320-rw/PicsArt_07-21-09.34.04.jpg)
عمي التهامي عندو جوج بنات مجووجات، ورجالم فلاحة كل واحد فقنت، قالتلو مراتو رقية سير التهامي رگب عل البنات شوفم كيف راهم، راني تشووشت عليهم.
- مشا عمي التهامي، گاز لبنتو الكبيرة، ايوا كيف راك ابنتي، كيف عاملة الفلاحة عندكوم، قالتلو ابا هاد الساعة الحمد الله، باركة علينا من الشتا،
- لييااااه؟؟؟ الناس باغية الشتا وانتين كاتقول بركة؟
- ابا دبا حنا عندنا هاد الجنان دالليم كاينوور، ويلا طاحت الشتا كاتضييعلو النوارة وماكايقبطش
- اممممم
گاز عمي التهامي لبنتو الصغيرة
- ايوا اشخبارك ابنتي، كيف عاملة الفلاحة عندكوم
- ابا الحمد الله مصاب غير شي روية دالشتا، السبول بدا كايعمر.
ارجع عمي التهامي حاير مع راسو، الكبيرة مابغات شتا والصغيرة باغية الشتا.
- التهامي جيت، ايوا علا سلامتك، كيف راهم البنات،اشخابرم،
- رقية ماهنا ما نخببع عليك،
- وحدة فيهم فالخطار
- طاحت الشتا الكبيرة مشااات
- ماطاحت شتا الصغيرة مشات.
الله يرحمنا على قد النفع
عمر الكرمي
بني يازغة، بنيازغة، benyazgha, beni yazgha
بني يازغة، بنيازغة، benyazgha, beni yazgha