القائمة الرئيسية

الصفحات

مستملحات عمي التهامي ومراتو رقية - الحلقة 10

مستملحات عمي التهامي ومراتو رقية - الحلقة 10
هاد النهار اغبش علا عمي التهامي
عمي التهامي عامل مع المعلم د البني، باش يسقف واحد البيت عندو كايقطر،ايوا تعطل عليه وخارج يشوفو واش ماجي
- صباح الخير اعمي التهامي
- اش داكشي افريطو؟؟ اش مشالك تما
- غير واحد الفرخ دالقنية، خرج لي من الجخونة وماعرفتوشي فاين دخل؟؟
- وياك؟؟؟، هذا الفرخ دالقنية؟؟؟
- سير أ فريططو تخدم علا راسك، قرانك راهم طربو خمسنين دالسربيس، وانتين هنا كاتدور؟؟
- سير بحالك انا ماعندي قنية؟؟
- القنية دي عندي راني ساد عليها. (لطيفة)


ها المقدم ماجي كايدور


- السلام عليكم، ا عمي التهامي، ديال من هاد الرملة؟
- ديالي اوليدي، غير باغي نسقف هاد البيت راه كايقطر، وعامل فيه دوك السليلات د الشعير والزيت، ايوا راها الشتا ماشي تضيعملي
- لا اعمي التهامي، ما تعمل والو، سير جيب الرخصة من الجماعة، ياو نقولا للقايد!!
- لياه حنا ديما كانصلحو، دبا عاد ظهرت هاد الرخصة؟
- ايوا يانا علمتك باه ماتقولشاي المقدم اقبيح؟؟
- لا ابني يانا دي اقبيح
- ا رقية، جيبلي داك الكارني ديالي ،نمشي نشوف هاد الرخصة


ايوا مشا عمي التهامي للجماعة، سول تما شي موظف، قالو الرايس راه خارج وايني، راه واحد البيرو دي مكلف
يا الله بغا عمي التهامي يدق فالباب والسيد حل الباب خارج، كايدور فعمي التهامي واحد الدورة!!! 


- ايوا دق فالباب!!!!، مالك داخل عليا ؟؟
- ايوا يانا ماشي ندق وانتين حللت الباب، جبدتا لعنك، فاه ماشي ندق؟؟؟
- وا الشريف سير ليهن للسرجم ايلا باغي شي حاجة؟؟
- ا لا، يانا ماكاندخلشاي من السرجم، ودي كايجي من السرجم كايجي هاجم؟؟، والهاجم يموت شرع؟؟
- يانا ماجي نقضي صوالحي، مامشواقشاي فيك، ويلا مابغيت حد يدخل لعنك، اعمل السلوكا كيف الناس، نبقاو نطربو غير بصباعنا ويخرجونا الاوراق، كيف البوسطا دالمدينا


ماجي واحد الموظف كايعرف عمي التهامي


- اش داكشي اعمي التهامي، مالك الحلوقي ديالك كايتسماع من القهوة؟
- فاين مشيت اسي عزيز؟؟ ،خليتنا مع هذا كايصبن فينا؟؟؟؟
- ولد من هو هذا؟
- هاداك اعمي التهامي براني، ماشي من هنا، اش حب الخاطر؟
- ايوا خدمو ولاد البلاد، كايفهمونا ونفهموهم،؟؟، راني بغيت الرايس علا واحد الرخصة، باغي نسقف واحد البيت
- الرايس اعمي التهامي خارج، مشاو للعمالة عندم اجتماع
- حتا لغدا واجي فالصباح
- هي نرجع لهذا يصببني؟؟؟
- لاواه اعمي التهامي، ماتخافشاي دبا تجبرني هنا، وندخلك للرايس
- اجي ياجي ا عمي التهامي ها هو جا!!
- عبيها فيدك بلا ماتقيل ماشي ماجي
- ايوا احسن ،مافيا مايبقا طالع هابط فهاد العقابي، الله يخليلك صحيحتك ابني

عمر الكرمي