قصيدة اليازغية النية لخديجة اليازغية بمناسبة عيد الأم

بني يازغة الثلاثاء, مارس 21, 2017
قصيدة اليازغية النية لخديجة اليازغية بمناسبة عيد الأم

بمناسبة عيد الأم، أتقدم بهذه القصيدة الزجلية التي تصور لنا مدى محاولة المرأة الحفاظ على بيتها واسرتها رغم كل المشاكل والتشويشات الخارجية اتمنى لكل الامهات عيدا سعيدا وجعلهم الله ممن تقول لهم الجنة ادخلوا بغير حساب.

سولوني ش ناس على ولد البلاد
قلتلم راجل حادق وموقاد
حاض طرافو وداق الوتاد
رزين متبث ما يتعدى.

قالولي يا ديك المسكينة 
ولد بلادك يخليك حزينة 
يدخلك الدار يوريك الكوزينة
ما يساريك ما يديك جردا.

قلت هاداك ولد بلادي
هو سعدي وباين ولادي
يشوش في وعلي يدادي
نبغيه وعليه نربي الكبدة.

قالولي انت راك اهبيلة
ولد بلادك هاجر القبيلة
ودا بنت المدينة الدليلة
وانتي بقاي شاداك الرعدا.

قلتلم ولد بلادي ما نبدل
واخا نعيش انا فالذل
 هو قطران ونقول عسل
يلاه خرج من الشهدا.

قالولي ابنتي راك غالطة
وشوفي اش راكي صارطة
ولد بلادك داير الفالطة
مالكي ديما معاندا.

قلتلم خليوه يدير ما بغى
كولشي يتبطل ويتلغى
يعيى يهرب مرجوعو بنيازغة
والهم يتسالا ويتقاضا.

قالولي راك يازغية نيت
انت عمارة الدار والبيت
ديتي اليازغية عرفت ما ديت
تحزم بها وقت الفرح والشدا.

قلتلم يازغية حرة
هو ليل وانا ڭمرة
ولا حطني عالجرح يبرا
ما نوحل عارفة منين نبدا.

قصائد أخرى للكاتبة: 


commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »