قصيدة انا راني ولد الفقير - عمر الكرمي

بني يازغة الخميس, ديسمبر 22, 2016
عمر الكرمي - انا راني ولد الفقير

انا راني ولد الفقير
بابا فلاح ماشي وزير
كبرنا فالخير والخمير
والقناعة تكفينا

***
انا راني ولد الفقير
عشنا فالعز والخير
واخا القطيفة ولحصير
والما نسقيوه من البير
مافيه كلور كنينة

***
انا راني ولد الفقير
قرينا اللغة والاعراب
قرينا العلوم ولحساب
قرينا الشرع والاداب
و باباك وجه العذاب
من الوظيفة يقصينا

***
انا راني ولد الفقير
التعليم بعتوه فالمزاد
والطبيب رجع بالميعاد
والصاير كل نهار يتزاد
والشهر ماااا بقا يكفينا

***
انا راني ولد الفقير
قبطتو لخدامي لكبار
والجيش من فوق كماندار
والارض عبيتو بالگطار
وحنايا واااش بقا لينا

***
اجي يا ولد الفشوش، اجي تشوف الرجال
زرعوا لوطا ولجبال
اجي تعبي يا غلال
اجي تعبي لكبال
وزيد البقول و الگرنينة

***
اجي يا ولد الفشوش، اجي تشوف الحادگات
وتشوف علاش قاددات
الرزانة والزين والتبات
ونزيدك راهم قاريات
ماشي بحال الخايبات
دي باش كاتغوينا


شاهد أيضا:
سرابة " أنا راني بنت المدون" للشيخ البكاري
 

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »