مسلسل "حياة" - الحلقة 38

بني يازغة الأربعاء, نوفمبر 01, 2017
مسلسل "حياة" - الحلقة 38

الحلقة الثامنة و الثلاثون (38) من مسلسل حياة

- لياه ؟؟ ياك ما شفت ابني شي عروسة فهاد العرس؟؟؟ غير قول ابني؟؟ ماتخبعشاي عليا
- اخاي باينة فيك عجبتك شي وحدة، ههه غير قولي شكون هي؟؟؟ يانا دي نخطبالك؟؟
- لا والله اختي ما يانا؟؟؟
- ياو وشكون؟؟
- راهم طلبوك مني اربعة د الرجال؟؟؟
- وحتا يانا يا ابني راها اهضرت معاي القرطاشية علا حياة؟؟؟ قالت لك بغاتا لابنا عبدالرحيم
- صافي ايما!! دغيا بغيتو تكركبوني؟؟، وياك ياالله جيت؟؟، مازالة ماشبعتكوم
- لاواه ابنتي، شكون دي يسخا بيك؟؟ وايني بلاصتك مع راجلك، لياه ماشي نبقا قابطتك؟؟؟
- ايوا ايما خليها علا خاطرا!!، حتايانا راني قلتلم حتا نشور معاها ومع يما ونرد عليكم الخبار
- ايوا يا ابني دي كانلا فالعرش دبا تلحقو
- يا حسن ماعجبتنيشاي عمتك؟؟ ايوا ملي عارفة بنتا حفيظة مثقفة؟؟ كانت تفكا فدارا؟؟، لاه مخليتا حتا راحت لعندنا، واحنا يحسابلنا من العربي، وجبنا الفقيه، وعاد هي ماجية بالخيط د النير؟؟ والبخور كاتبخر عندنا فالدار؟؟؟
- صافي ايما دبا گاز العرس ودي كان كان؟؟؟
- الله يسخر للجميع
- صباح الخير عليكم؟؟، امراة خالي لياه فقت بكري وما فييقتنيش نوججد معاك الفطور؟؟؟
- صباح الخير ا بنتي، ايوا لاواه انتينا مازالة عروسة، وانا كانفيق قبل منكم؟؟؟
- حفيظة، العربي فاق ياو مازال؟؟؟
- مازال اخاي حسن، راني خليتو باقي فموطعو كايشحووط، فييقتو وهو غير كايگنوون، هههه
- الله ايلا ما سبر فييقو، ماشي نمشيو للمنزل عندي به الغرض؟؟؟
واكمل الكونجي دي حسن من بعد ما احضر للعرس د العربي، واهضر معاه باش يخدم ويفللح ويگابل الدار، واعطاه الفلوس دي باش عاونو خالو، وقالو هادو اشريهم بهايم وبيع واشري وماتبقاش غير كاتطرطق فالفلوس؟؟
- ايما؟؟ غدا راني ماشي نمشي!!!، سير ا حياة اختي، لعند خالتي محجوبة؟؟ تعطيك ديك السخرة دي مصطفى باه نعبيها معاي؟؟
- ايوا اوليدي، الله يبلغك علا خير، والله يرضي عليك والله يعاونك، ايوا ماتطوولشي علينا، غير يوصلك التسريح ياجي؟؟؟ وغير توصل صيفطلنا البرا؟؟ باه مايبقاشي بالي مشطون عليك؟؟،
- ايوا حتا انتوما غير توصلكم جاوبوني؟؟؟
- اخاي دبا راني هنا، ديما نكتبلك، نشببعك براوات
- ايوا اختي!! بلا مانوصيك؟؟،
وارجع حسن للصحرا، وتلاقاه صاحبو مصطفى، واعطاه السخرة
- ايوا كيف راها البلاد ا حسن؟؟؟
- كولشي كايسلم عليك، راني تلاقيت خالتي محجوبة وعمي المختار، وكانو حاضرين فالعرس د العربي، وراهم بخير وعلا خير
هي العربي اعمل العرس؟؟؟
- باينة فيك يا العدو دببرت علا شي عروسة؟؟ 
يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »