هاد النهار رقية مسكينة مخاخا كايقتلوها بالحريق.
- التهامي وا التهامي، صباح الخير، قوم دق عل البنت فبيتا، توجد الفطور، مخاخي كايقتلوني بالحريق،وعببيني گووزلي
- صباح الخير ا رقية، ايوا مالك اش طرالك؟، ياك ما هززيت شي حربان ثقيل، وتقرطت فيك شي طلعة
- مانتين فال عليا!!، يا الطير الكحل!!، قوم فييق البنت وباركة من الهضرة!!
- ايوا فاقت لطيفة وجدت الفطور، رقية مسكينة مهلوكة، والتهامي كايحنجر ويسرط،
- ايوا قوم ا رقية اعمل ليزار عليك و يا الله نگووزلك
مشاو للسبيطار، گلست رقية وكلس حداها التهامي كايعاينو النوبة توصلم،
- التهامي قوم اهضر مع داك الفرملي، كما يسنحر منك ويسبقوني، راهم العطام ديالي طايحين
- اگلس بعقلك ا رقية، ليه انتين احسن من هادو؟، كون تحشم؟ من الحماق ديالك
واحد الشوية خارج الفرملي، كايعييط
- رقية بنت بوعزة؟؟؟
- أ هايانا ا سيدي، بنت الحاج بوعزة، قالاك؟؟
دخلت رقية قابطة فالحيط، ايوا گلست علا داك الكرسي،
- غير بشوية عليك اللا، قولي اللا اش كايضرك؟
- اوليدي بعيد عنك، مخاخي كايقتلوني بالحريق، ماكانقد لا نوقف وا لا نگگس، ما الرقاد ماكنشوفوشي
- مخاخك؟؟ فاين؟ عندك هاد المخاخ؟
- ايوا هادو؟،
- يا وليدي بحال كاتقبط شي منخاص، وتنخصني به، أ جي اوليدي، انتين ماشي بنو دي ادريس ود المختار؟ غير السمامات ديالو
عمي التهامي كايعاين علا برا، ماجيين جوج د الدراري كبار، مطاربين، واحد زررق العين د لاخور
- ا مالك اولد لحسن فديك العين؟
- ا عمي التهامي، هاد الجيفة دي ود علي، تعددا عليا وغفلني وعطاني للعين
- وليه انتين ا ولد علي قبيح؟، ايوا باباك راجل خيير، وانتين فيمن شبيت؟، ياو فخوالك؟ هوم دي قباح
- ودبا لاين ماجيين؟
- ا عمي التهامي، شكيت به عند الجدارميا، وقالولي سير اعمل السرفاكيتا وجيبا، ياو تسامحو
- اش كاتقول ا ود علي؟؟
- أ عمي التهامي قلتلو نعطيك عشرالاف وتسمحلي، اومابغاش
- ايوا قبط اود لحسن هاد العشرالاف وشي باس ماوقع
- لا عمي التهامي، يعطيني ربعطاش
- لاواه اود لحسن، ايلا الدق دي عشرالاف، هو هادا، ويلا بغيت ربعطاش خاصو يزيدك الدق،ههه
- اسيرو الجياف، شبعتو باباكوم خبز
ها رقية خرجت من عند الطبيب
- ا التهامي، هاداك ماشي بنو د لحسن؟، مالو فديك العين؟
- هادوك راهم زاغو ا رقية، اش قالك الطبيب،؟
- عطاني واحد الورقة وقالي سير شري الدوا واعطي الراحة لراسك، وايني والله ماخرجت لباباه من تما حتا جبت ديك البومادا الصفرا و واحد الحفنة د الكينة د الكرش
- ولايني راك منشار يا رقية، طالعة واكلة، هابطة واكلة
- التهامي وا التهامي، صباح الخير، قوم دق عل البنت فبيتا، توجد الفطور، مخاخي كايقتلوني بالحريق،وعببيني گووزلي
- صباح الخير ا رقية، ايوا مالك اش طرالك؟، ياك ما هززيت شي حربان ثقيل، وتقرطت فيك شي طلعة
- مانتين فال عليا!!، يا الطير الكحل!!، قوم فييق البنت وباركة من الهضرة!!
- ايوا فاقت لطيفة وجدت الفطور، رقية مسكينة مهلوكة، والتهامي كايحنجر ويسرط،
- ايوا قوم ا رقية اعمل ليزار عليك و يا الله نگووزلك
مشاو للسبيطار، گلست رقية وكلس حداها التهامي كايعاينو النوبة توصلم،
- التهامي قوم اهضر مع داك الفرملي، كما يسنحر منك ويسبقوني، راهم العطام ديالي طايحين
- اگلس بعقلك ا رقية، ليه انتين احسن من هادو؟، كون تحشم؟ من الحماق ديالك
واحد الشوية خارج الفرملي، كايعييط
- رقية بنت بوعزة؟؟؟
- أ هايانا ا سيدي، بنت الحاج بوعزة، قالاك؟؟
دخلت رقية قابطة فالحيط، ايوا گلست علا داك الكرسي،
- غير بشوية عليك اللا، قولي اللا اش كايضرك؟
- اوليدي بعيد عنك، مخاخي كايقتلوني بالحريق، ماكانقد لا نوقف وا لا نگگس، ما الرقاد ماكنشوفوشي
- مخاخك؟؟ فاين؟ عندك هاد المخاخ؟
- ايوا هادو؟،
- يا وليدي بحال كاتقبط شي منخاص، وتنخصني به، أ جي اوليدي، انتين ماشي بنو دي ادريس ود المختار؟ غير السمامات ديالو
عمي التهامي كايعاين علا برا، ماجيين جوج د الدراري كبار، مطاربين، واحد زررق العين د لاخور
- ا مالك اولد لحسن فديك العين؟
- ا عمي التهامي، هاد الجيفة دي ود علي، تعددا عليا وغفلني وعطاني للعين
- وليه انتين ا ولد علي قبيح؟، ايوا باباك راجل خيير، وانتين فيمن شبيت؟، ياو فخوالك؟ هوم دي قباح
- ودبا لاين ماجيين؟
- ا عمي التهامي، شكيت به عند الجدارميا، وقالولي سير اعمل السرفاكيتا وجيبا، ياو تسامحو
- اش كاتقول ا ود علي؟؟
- أ عمي التهامي قلتلو نعطيك عشرالاف وتسمحلي، اومابغاش
- ايوا قبط اود لحسن هاد العشرالاف وشي باس ماوقع
- لا عمي التهامي، يعطيني ربعطاش
- لاواه اود لحسن، ايلا الدق دي عشرالاف، هو هادا، ويلا بغيت ربعطاش خاصو يزيدك الدق،ههه
- اسيرو الجياف، شبعتو باباكوم خبز
ها رقية خرجت من عند الطبيب
- ا التهامي، هاداك ماشي بنو د لحسن؟، مالو فديك العين؟
- هادوك راهم زاغو ا رقية، اش قالك الطبيب،؟
- عطاني واحد الورقة وقالي سير شري الدوا واعطي الراحة لراسك، وايني والله ماخرجت لباباه من تما حتا جبت ديك البومادا الصفرا و واحد الحفنة د الكينة د الكرش
- ولايني راك منشار يا رقية، طالعة واكلة، هابطة واكلة
عمر الكرمي
بني يازغة، بنيازغة، benyazgha, beni yazgha
بني يازغة، بنيازغة، benyazgha, beni yazgha
