مستملحات عمي التهامي ومراتو رقية - الحلقة 2

بني يازغة الجمعة, يوليو 21, 2017
مستملحات عمي التهامي ومراتو رقية - الحلقة 2
عمي التهامي عندو جوج بنات مجووجات، ورجالم فلاحة كل واحد فقنت، قالتلو مراتو رقية سير التهامي رگب عل البنات شوفم كيف راهم، راني تشووشت عليهم.
- مشا عمي التهامي، گاز لبنتو الكبيرة، ايوا كيف راك ابنتي، كيف عاملة الفلاحة عندكوم، قالتلو ابا هاد الساعة الحمد الله، باركة علينا من الشتا،
- لييااااه؟؟؟ الناس باغية الشتا وانتين كاتقول بركة؟
- ابا دبا حنا عندنا هاد الجنان دالليم كاينوور، ويلا طاحت الشتا كاتضييعلو النوارة وماكايقبطش
- اممممم
گاز عمي التهامي لبنتو الصغيرة
- ايوا اشخبارك ابنتي، كيف عاملة الفلاحة عندكوم
- ابا الحمد الله مصاب غير شي روية دالشتا، السبول بدا كايعمر.
ارجع عمي التهامي حاير مع راسو، الكبيرة مابغات شتا والصغيرة باغية الشتا.
- التهامي جيت، ايوا علا سلامتك، كيف راهم البنات،اشخابرم،
- رقية ماهنا ما نخببع عليك،
- وحدة فيهم فالخطار
- طاحت الشتا الكبيرة مشااات
- ماطاحت شتا الصغيرة مشات.

الله يرحمنا على قد النفع

عمر الكرمي
بني يازغة، بنيازغة،  benyazgha, beni yazgha

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »