رائعة البكاري "جاية جاية هازة مشموم النوار" على لسان إدريس الطباخ (تم إضافة الكلمات)

بني يازغة الخميس, سبتمبر 08, 2016

 

رائعة البكاري "جاية جاية  هازة مشموم النوار" على لسان إدريس الطباخ


جاية جاية و جاية خرجات من الدار
سيفتة كاتشفي لغيار
هازة مشموم النوار كل واحد قال لعندو

جاية جاية و جات لغزالة ف الستة
و مع نجوم البهجة شفتا
دق القلب على بغتة دايرة كيف الياقوتة
ما ينجم حد يفوتا دي كريم و طالق يدو


جاية جاية و جاية خرجات من الدار
سيفتة كاتشفي لغيار
هازة مشموم النوار كل واحد قال لعندو

جاية جاية و جات لغزالة ف السبعة
و بوحدا مافيها خلعة
كيف شي نحلة كاترعى عالية وشكون يتبعا
حتى بنادم فيه السلعة و كلها كيشبه جدو


جاية جاية و جاية خرجات من الدار
سيفتة كاتشفي لغيار
هازة مشموم النوار كل واحد قال لعندو

جاية جاية مع التمنية جات الفنة
مزوقة كلا بالحنة
دي يشوفا ما يتهنا طمع يدي حقو منا
دي بغا يمشي للجنة يشوف دين الله يشدو

جاية جاية و جاية خرجات من الدار
سيفتة كاتشفي لغيار
هازة مشموم النوار كل واحد قال لعندو



جاية جاية و جات لغزالة فالتسعود
ضريفة كيف الهدهود
بخر دي معدوم ينوض
واخا عامين مسرود يبرا يرجعلو جهدو


جاية جاية و جاية خرجات من الدار
سيفتة كاتشفي لغيار

هازة مشموم النوار كل واحد قال لعندو

جاية جاية وجات لغزالة فالعشرة
و طالقة الشعر و البشرة
دي شراها عرف اش شرا
الكنز هادا ماشي لمرا
لون دلبيض بلا قشرة
يشوفها المريض و يبرا
بلا دوا يكملو سعدو

جاية جاية و جاية خرجات من الدار
سيفتة كاتشفي لغيار
هازة مشموم النوار كل واحد قال لعندو

جاية جاية وجات الغزال مع لحضاش
و قصيرة كيف الكلاش
دي تجرحو مايداواش
بزز منو يقبط الفراش مايقد طبيب يرفدو

جاية جاية و جاية خرجات من الدار
سيفتة كاتشفي لغيار
هازة مشموم النوار كل واحد قال لعندو

جاية جاية وجات لغزال مع التناش
راه زينا مايتنساش
تخير أدي عندك مناش
حط عل المليح أو بلاش وعمل الحلال ف البدو

جاية جاية و جاية خرجات من الدار
سيفتة كاتشفي لغيار
هازة مشموم النوار كل واحد قال لعندو

جاية جاية وجات لغزالة فالوحدة
واحد الفنة غير هدا
سكنتلي فجناب الكبدة قالي راسي من غدا
نطلق للمراة بولادا ونتفك من صاير لعدو




commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »