قصيدة عباوك يا بيبي مشيت للشيخ البكاري

بني يازغة السبت, مايو 23, 2015
قصيدة بيبي للشيخ المرحوم بلعوين البكاري



عباوك يا بيبي مشيت
و انا علفت حتى عييت
حرموني منك ما كليت
حتى نتشا مزيانا

عباوك يا بييبي مشيت
مندي كنت فليلس صغير
و انا نرمي لك ف الشعير
حتى وليتي كاتطير
ورجع جنحك قد الحصير
العدو عباك بلا هرير
ودعيناه لمولانا

عباوك يا بيبي مشيت
جاو الناس اعطاو الفين
و شبقيت انا كانعاين
وكان اديتو للتناين
نبيعو حتى باكاين
وما يشمتنيشي الخاين
و عباه وخلانا

ستة دلكيلوات فيك
و عييت نعلف و نحضيك
ما تحسابي البلا يجيك
ما عرف شكون قجانا

ما طيبنا المصيصطات
ما درنا بك قطيبات
ما فرحوا لوليدات
العدا عباوك بالسكات
كنت عندي امانا

حتى انا فيا الشوق
نشوي الكبيدات وندوق
لوكانا ديناك للسوق
ثلاث الاف تجيبا لفوق
بعدا بعدا نشريو بك شي بوط لرجلانا

دابا هادشي دي كتاب
و الشفارا راهم صعاب
بعدما سدينا الباب
جاو و شمتونا ف الحساب
ما لهتوشي حتى الكلاب
بعدا باش نفيق انا

صوبنا للباب السداد
وانت ناعس فوق العواد
حتى خلطو لك الشداد
ما عرفناهم د البلاد
و لا جاو الناس البعاد
صاطوا فيك الخوانا

ماشي السعيدي دي داك
مشي زكوتي دي داك
ما كايعرفشي فين راك
و البلا من البلاد جاك
و حتى الدجاج اللي معاك
وقيلا ف الغابة شواك
كانت كرشو جيعانا

رمضان شهر الاسلام
مفروض علينا كل عام
و السارق ما عندو ايمان
دي كا يتساحر بالحرام
قلو من بيبي مايشيطلك راس و لا البطانا

هادا عدم استقرار
بن عمي سرقولو الدار
ولات الفوضة بالنهار
يظهر هاد الغدار
و تتفركع هاد الرمانا

ملي شفنا بيبي سمان
قلنا غير يبلغ رمضان
يساع و يدبح الانسان
و نصاحو للجيران
ساعا هاد قليل ليمان
جا ف قسم د الماكانا


commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »