مسلسل "حياة" - الحلقة 37

بني يازغة الأربعاء, نوفمبر 01, 2017
مسلسل "حياة" - الحلقة 37

الحلقة السابعة و الثلاثون (37) من مسلسل حياة


يا الله بداو كايدخلو الغذي، واسي ادريس وصل هو و مراتو والحاجة، منانة شافتم من بعيد وهي تسول ولدا حسن:

- ا حسن اشكون ابني هادوك دي راهم واقفين وجايبين الحولي؟؟؟؟
- هاداك احبيبي ومراتو ومعاهم واحد المراة كبيرة
- ااااه، هاديك الحاجة زهرة، الله يعمرا دار ماعمرنا سمعنا منا الكلمة دالعيب، وايني ابنتا ماشباتشي فيها، لاه ماجية لعندي؟؟؟ مازال عندا الوجه باه تشوفني وتشوف بنتي؟؟؟
- ايما الله يسامح، هوما قصدونا وجاو حتا لعندنا، وببا الله يرحمو ما عمرو سد الباب فالوجه دي شي واحد؟؟؟
- ايوا ابني دبا العرس مانهضرشاي حتا يفوت وعاد نتگللسلا!!!،

جاب اسي ادريس الغذا، وجايب الحولي وخنشة دالسكر وكارطونة دالزيت ودخلوه بالغيطة، وعللق للغياط الف ريال، حياة غير شافت بهية! كححلت بالعمى!!!، هادي مازال عندا الوجه باه ماجية لعندنا؟؟؟

- صافي ا حياة!!! خلي الطرح يگوز سالم؟؟

نبيل مسيكن ولد بهية غير شاف حياة!! ماجي لعندا كايطير وتعللق فيها، وهي عزيز عليها بزاف، قبطتو وبدات كاتفرح به، بهية غير شافتا بدات كاتبكي وتطلب منا السماحة..

- اسمحلي احياة ابنتي، راه غير لوحم والشيطان لعبلي براسي، اسمحلي بزاف.

الحاجة غير دخلت دررعت حياة وبدات كاتبوس فيها، وقالتلا ابنتي راك من نهار دخلت لداري ما فررقت بينك وبين بناتي، وايني هادشي كلو مافراسيش، علاش ماشكيتليش؟؟؟، ديما كانوصي بهية عليك،؟؟ حتا قالالي اسي ادريس، ايوا رححبت بهم منانة وحياة..

- علاااا سلامتك ا الحاجة وزارتنا البركة، ايوا مرحبا بكم وعقبال حتانتين تجووج البنات وهشام؟؟
- ترحب بك الجنة يا منانة، راني عارفتك القلب الكبير، وماكاتهزشاي فقلبك، ايوا قبلو علينا!!!

بدا الفرح، وبدا النشاط، والغياط ماكايهداش، كل مرة داخل بغذا والناس كاتعلقلو فالمياتاينات، حتا وصل الليل ومشاو يجيبو العروسة، حفيظة كاتسكن غير فالراس دالكدية ومشاو غير علا رجلاهم وعباو البغل علاه ماشي تركب حفيظة والعربي، ايوا راحت العروسة وبدا النشاط،وكولشي فرحان وحياة غطات التكشيطة ديالا وارجعت وحدة اخرى، والعين كوللا عليها..

- واش هاديك هي حياة، دي كانت فالرباط ؟؟؟؟
- هي هاديك يا الحبيبة، ايوا راها كبرت وارجعت صبيحة كيف الربح، دبا نهضر مع منانة عليها؟؟؟

غير اكمل العرس ومشاو المعارط، حسن اهضر مع يماه وحياة

- ايما راه غير شوية نعملو جوج عراسات؟ههههه
- لياه؟؟؟، ياك ما شفت شي عروسة فهاد العرس؟؟ غير قولي ا ابني؟؟
 يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »