مسلسل "حياة" - الحلقة 33

بني يازغة الأربعاء, أكتوبر 25, 2017
مسلسل "حياة" - الحلقة 33

الحلقة الثالثة والثلاثون (33) من مسلسل حياة

- حياة.. فايرراها بهية؟؟؟؟
- مانعرف إحبيبي يانا يا الله جيت من المدرسة وماجبرتاش؟؟؟، غير ادخلت و هشام دق فالباب وفتحتلو، يا الله ادخل؟؟؟
- كيفاش مانعرف!!!؟؟؟
- هشام!! بهية كاينة عندكوم؟؟؟
- والله اعزيزي ما عرفت، حتانا جيت من الليسي لهنا، قلت دبا نجبرا هنا، كون يحسابلي ماكايناش مانجيش!! الله يهنيكوم انا ماشي لدارنا.
- هشام اخرج زعفان وحس بلي اسي ادريس مقلق وما عاجبو حال، بحيث جبرو بوحدو مع بنت اختو، وخا ما وقع والو، وايني الشك لعب لسي ادريس فراسو..
- فالعشية جات بهية، واجبرت الجو د راجلا ماشي هو هاداك،
- فاين كنت ا بهية؟؟
- كنت فدارنا!! ياك لاباس؟؟ ماموالفشاي كاتسولني هاكدا اش واقع؟؟
- راني جيت واجبرت هشام خاك فالدار بوحدو وانتي ماكايناش؟؟ هادشي راه ماشي معقول!!
- هاكداك اسي ادريس، دبا قولي ؟؟ خاك مايبقاش يجي لعندك وصافي، بحيت عندنا للا حياة!!! زينة البنات!!
ايوا هاديك دي ماتكونش؟؟، خاي يجي لعندي فوقاش مابغا، راه كايجي لعند اختو !!
- ا بهية الله يهديك، راني قلت لك، الاصول!! ملي اجبر البنت بوحدا مايدخلش!!
- لياه مايدخلش؟؟؟، خاي مرببي وعارف الاصول؟ ودي ما عجبو حال، الباب راها قدامو، مزيان وتبارك الله، داري ونمنعا علا خوتي!!
اخرج سي ادريس طالعلو الزعاف!!!

حياة ادخلت لبيتا وردتا عل البكا، وقالت مع راسا، اييييه يا حياة؟؟، دي اخرج من دارو، قلل مقدارو، كيف كنت وكيف ارجعت!!!!

حسن ومصطفى تابعين السربيس فالصحرا، وكولشي ماشي مزيان..
- ا مصطفى ايلا مشيت تشوف الكوريي، شوف معاك واش كاينة شي برية؟؟؟
- سير انتين ا حسن، اما يانا راني ماشي نخرج برمسيون،
- ايوا سعداتك ا مصطفى ماشي تشوف البلاد، ايوا سلملي علا الوالدة وقوللا تصيفطلي زويتة ويلا كاينشي سمينة، ههههه
- الله اودي يا خاي حسن، مرحبا علا راسي وعيني..
مشا حسن واجبر البرية جات من البلاد، وكايقولو خاه رشيد، بلي كولشي بخير وعلا خبر، والعربي راه اخطب وباغي يعمل العرس كايعاينك غبر تجي، والبقرة د الوالدة راها ولدت عجيلة، هههه،اجي تاكل أضغس، وراحنا توحشناك بزاااف، وكاترضي عليك الوالدة..

اسي ادريس، ادخل ومشا للبيت دي حياة، وجبرا كاتبكي، وايني مافراسوش بلي بهية راها اعطاتا قتلة د الكلاب ملي اخرج لبررا!!! وهي مسكينة ماقدرتش تقولو هادشي..
- مالك ابنتي كاتبكي؟؟؟
- لا والو احبيبي، غير توحشت يما وصافي
- شوف ا حياة، ابنتي؟

يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »