مسلسل "حياة" - الحلقة 23

بني يازغة الأربعاء, أكتوبر 18, 2017
مسلسل "حياة" - الحلقة 23

الحلقة الثالثة والعشرون (23) من مسلسل حياة

- احبيبي جبتلي الانتقال؟؟؟؟
- ابنتي والله ايلا المدرسة مازالة مسدودة، ماجبرتشي مع من نهضر!!!، وراني وصيت حسن، يسول فداك المدير د المدرسة ايلا جبرو يقولالو، علا الله يجيبو معاه، ويلا ماجابوش غير يوصل الدخول نمشي نجيبو لبنتي، غير ماتقلقش !!
حياة بقات غير مصدومة وتفقست كاتبكي، 😢 قامت لعندا بهية كاتسكت فيها وتحززر فيها، حتا ما قالت سكتت..
- صافي ابنتي غدا نمشيو للبحر نقيلو تما ونتغداو علا برا باش نبدلو الجو شوية وتشوف ا حياة البحر، هههه، صافي ابنتي؟؟؟
العربي بدا كايصبح فالاسواق يبيع ويشري كيف ما قالو خالو، كما يجمع شوية ويبقا خالو فكلمتو ويجوجوه فالصيف!!!
حسن مشا هو وصاحبو مصطفى للرباط، لعند خالو، يباتو عندو وفالصبح يمشيو للقشلة، وصلو مع ديك الوحدة، كايفتش حسن علا لادريسة فجيابو ماجبراش!!!!!!،
- وايحا عليا واش هاد الفضيحة عملت يا مصطفى!!
- غير زيد قللب ا حسن راك تكون عملتا مع الاوراق!!
- وااالو ا خاي مصطفى،؟؟؟، وزعم راها وصاتني يما عليها، ااااه! خلليتا فوق المسطرة!!!!!!
- عرفت اش ماشي نعملو؟؟؟ احبيبي خدام فالعمالة، نمشيو نسولو عليه؟؟؟
- ونمشيو ا حسن بهاد السيكان وبهاد البيدو دالزيت؟؟؟،
- لياه جايب الزيت معاك ا مصطفى؟؟؟
- اه، عطاتولي يما، قالتلي اعطيه لداك الكماندار نسيب خالك،
- ايوا كاتعرف؟؟؟، ماشي نقبطو طاكسي يوصلنا للعمالة، وانتين بقا علا بررا حضي السيكان، ويانا ندخل نسوول علا احبيبي.
سي ادريس اخدم غير الصبح، واخرج ومشا يلحق علا بهية وحياة للبحر، تما يتغداو مجموعين..
وصلو للعمالة، وادخل حسن كايسول، وهوما كايگووزوه من بيرو لبيرو، حتا قالو واحد راه مشا لدارو ماخدامش هاد العشية، وايني مشكلة هادي يا حسن،!!!!!، وهو يمشي لواحد الشيباني خدام تما وحكالو القصة، كما عا الله يورريه فاين ساكن خالو.

يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »