مسلسل "حياة" - الحلقة 12

بني يازغة الأحد, أكتوبر 01, 2017


مسلسل "حياة" - الحلقة 12


الحلقة الثانية عشرة (12) من مسلسل حياة

 حسن بدا كايخمم، خاصو يهز الحمل دي كان هاز اباه عمي بوعزة، العربي دي يگابل الفلاحة والكسيبة، والو العقل، رددا غير عل البيع د الشياه والخسران دالفلوس علا راسو، غير كايقولو فايرراهم الفلوس؟؟؟ كايقولم ايلا بغيتو باه تقراو نبيعو البلاد دي خللا اببا!!!

منانة وحسن، ماكايبغيوش دي يقوللم نبيعو البلاد!!!، مزيان وتبارك الله، داكشي دي بقا خاصنا!!، يقولو مازال باباهم ماطرطقو عيناه بداو كايبعو البلاد!!!

منانة عندا خاها سي ادريس موظف خدام فالرباط، جا هو ومراتو بهية كايعززيو فعمي بوعزة.

- عالسلامة اختي منانة، البركة فراسكوم من جهة عمي بوعزة، الله يبدل محبتو بالصبر، ويعظم الاجر.
- أ عالسلامة دي خيي، مامشا معاكوم باس، ديالكوم هو يا خيي، يجيكوم الخير
- لياه ا اختي ماتقولوهاليش من دي كان مريط؟؟، نعببيه للرباط، تما الطببا موجودين والدوا موجود؟؟
- ايوايوا يا خيي، راه ماطوولش، غير طاح مات، مشا علا صحيحتو بحال دي خطفو،
- اجي ابنتي يا حياة، سللم علا حبيبك ومراة حبيبك،
- اجي ابنتي، ماتبكيش لوكان البكا كايرد، حنا نبكيو معاك، لوكان ردنا دي ماتو قبل، الدايم الله ابنتي.

بهية ماعطاهاش الله لولاد، غير شافت حياة، بنيتة مزيونة ودريوشة دخلت فقلبا ودررعتا، وهنا بانتلا الفكرة؟؟
يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »