مسلسل "حياة" - الحلقة 7

بني يازغة السبت, سبتمبر 23, 2017
مسلسل "حياة" - الحلقة 7

هاد النهار، غير راح العربي فالعشية،عطاتو يماه باش يشري الگاز والفتيلة دلانبا، وقالتلو جيبملي عاد ارجع تقصصر فالدراز، 
مشا العربي وانسا راسو، وتلها مع الكارطة، بقات منانة مسكينة وحياة فالظلام،اما بوعزة اخرج يصلي المغرب 
جا حسن من القراية، وكايجبرم فالظلام
سير سير اوليدي لداك الخطية راني عطيتو باه يجيبلي الگاز والفتيلة، وراه تعطل،ابطر اوليدي قبل مايدخل باباك ماخصنا صداع
مشا حسن، كايجبرو ماكاين غير ارشم روندا ميسسة، ا العربي فاين السخرة علاه وصاوك؟؟؟ 
اطيه ا خاي علي واحد نص يطرو د الگاز و واحد الفتيلة،يمشي يقرا قرايتو
دخل بوعزة كايجبرم فالظلام
منانة!!  وا منانة!!، أ فاينكم، الياه گالسين فالظلام، فاينك احياة؟؟؟ 
أ ياجي أ بوعزة، ها حنا فالبيت، اسكت ابنتي ماتقولش لبباك سخرنا العربي وتعطل، منانة مسكينة ديما كاتبررد علا العربي، عارفة بوعزة معاه صعيب
جا حسن، ولقفتو يماه قبل مايهضر
اجي اوليدي نسخن لك ماتاكل راك تكون جيعان، 
وهاكدا گازت الايام والليالي والشهور والاعوام ونفس الاحداث كاتتعاود، مابين بوعزة ومنانة واولادم وبنتم حياة لي هي قرة عينم وعزيزة عليهم بزاف، حتا وصلت لقسم الشهادة، ورشيد للكاطريام بحيث دوبل واحد العام، وحسن وصل للباك، اما العربي باقي مع الكسيبة والرعية واعمل حتا شويهات ديالو كايرعاهم مع دي باباه، وكاينزل قدر الله دي ما منو هروب، وكاتبددل حياتم فمرة؟؟؟؟ 
يتبع....

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »