قصيدة لميمة لحنينة لعمر الكرمي بمناسبة عيد الأم

بني يازغة الثلاثاء, مارس 21, 2017

قصيدة لميمة لحنينة لعمر الكرمي بمناسبة عيد الأم

السلام عليكم ورحمة الله تعالى وبركاته.
إخواني وأخواتي الكرام والكريمات، وجميع المتتبعين للسرابات والقصائد الشعرية والزجلية للتراث المحلي، أقدم لكم هاته القصيدة هدية لجميع الأمهات من هن الأحياء والأموات بمناسبة عيدهن، أتمنى أن تروق إعجابكم.

لميمة يا لميمة
ودي دخل فاين لميمة
ودي خرج برضاة لميمة
والفرحة ما تخطاك

لميمة يا لميمة
نبات نغوت سهران
و قلبك عليا حيران
تحملني وتعيا بالدوران
والنعاس سههتك وعياك

لميمة يا لميمة
نتفكر ليام فصغري
نقييل نهرب ونجري
وتقولي زيد لحجري
ونعيش احلامي ف هواك

لميمة يا لميمة
ايلا مرضت نتين بجنبي
وكلامك راه طبيبي
صوتك حنين فقلبي
وتطلب مولانا برجاك

لميمة يا لميمة
ماتنساش كبير وصغير
والمسافر تدعيلو بالخير
 والمريض فوق السرير
ماتخللي سحتر وازير
تبخر وتستلطف مولاك

لميمة يا لميمة
دايمن فعينك صغير وحبيب
وخا كبرت واللحية والشيب
كانتفكر الصمطة والقطيب
والطرش للحناك

لميمة يا لميمة
لميمة يا الحنينة
بكلمتك الزينة
عل الطبلة جمعتينا
عممرك مانسيتينا
فصلاتك ودعاك

لميمة يا لميمة
شحال سهرت وقاسيت
عمرك ما قلت عييت
تخدم بررا والبيت
الله يسمحلينا من شقاك

لميمة يا لميمة
تغسل وتنقي وتصبن
توججد وتطيب وتعجن
تعاني وتقاسي وتتمحن
والصبر دايما دواك

لميمة يا لميمة
تحضر فالحفلة والعرس
غايب ولا ناعس
حقي محواط ف نص
وفجلالك ملوي ومكممس
ماتعملو شي وحدة سواك

لميمة يا لميمة
وشكون دي يسخا بكلامك
وانتي حملتني فارحامك
والجنة تحت اقدامك
ونعايما هي مثواك



commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »