مسلسل "حياة" - الحلقة 52

الحلقة الثانية والخمسون (52) من مسلسل حياة

بداو كايوجدو فالعرس، منانة راها فتلت الطعام من قبل وحايطتو، ومشات حياة عييطت لسعيدة الخطيبة دي حسن وبداو  كايوجدو فالگاطو وغرييبة ومعاهم حفيظة و بهية، هي عايشة بالمدينة كاتعرف بزاف دالنواع، 

اما العربي ورشيد مشاو للمنزل يتقداو الخضرة  والليم والتفاح، اما حتا الذبيحة قالم مصطفى نجيب العجل،؟؟؟ 

جا مصطفى لعند منانة، وعييط عليها بوحدا

ا خالتي منانة، داك النهار انا مابغيتشاي نهضر معاك قدام العربي، راه وصاني حسن قالي هاد الامانة بينك وبين يما، مايشوفك حتا واحد، وقوللا تشري داكشي دي خاصصا فالعرس، وتعمل العرس لحياة بحال ايلا راني حاضر، راه مسكين عييا ما يرغب باه يعطيوه التسريح وايني الخدمة مزييرة عندنا هاد الايام؟؟ 

الله يرضي عليكم اوليدي، والله يعاونو مسيكن، ماعمرو گازنا ديما مفكرنا، الله يوقف معاكوم

ايوا تگوزو بخير انا مشيت راه مازال تابعني الهروب، راك عارفة العرس وراك مجربة، هههه

الله يعاونك اوليدي، اسلم ابني علا محجوبة

وهاكداك گووزو ديك الايام بالجري كل واحد وفاش مشغول، حتا لنهار العرس، وجاب مصطفى العجل وخنشة دالطحين وخنشة دالسكر وكارطونة دالزيت، وجاب داكشي بالطبل والغيطة، والنشاط وهو مغطي الجلابة بيطا والبلغة، غير وصلوه ورجعو للدار، يدخلو الغذي دي جابولو المعارط،

حياة، تفكرت داكشي دي اوقع لحفيظة نهار العرس؟؟، د الثقاف؟؟وسولت يماها

ايما؟؟  ياك ماحتايانا  عملتلي الثقاف بالخيط دالنير بحال حفيظة؟؟؟ 

الله يعطيك الرضا يا بنتي؟؟؟، فكرتني وتلهيت ونسيت راسي، ماخصنا صداع مع محجوبة،؟؟ 

ايوا فالعشية، ندخلو للبيت، ونقادلك الشغل؟؟ 

ا حفيظة؟؟ ايوا حنا ارتينا عليك بحيت كرشك حتا لفاك خليناك مگابلة الفران؟؟  مابغيناش نعطيوك العجين، وانتين الطبصيل دي طاب كاتاكل منو؟؟؟؟ 

اخليها يا خيتي تاكل، ايلا تولدنا شي ولد مكوور بحال غرييبة، ههههههع

اعملت حياة الجنة، وبهية مراة خالا تهللات فيها وزووقتا وردتا عروسة من داكشي، دي شافا كايبقا مبهوط فيها، 

وفالليل جاب مصطفى البيكوب وكرا الطاكسي ورووحو حياة لدار العروس، وبايتة القصارة والنشاط، واعمل الجوق، وباه عمي المختار جاب الشيخ الواتي، وبايت كولشي فرحان

وشطحو بالسروال فالليل، وفالصبح جابت منانة الفطور لحياة، والفطور دي بن يازغة معروف، فيه كولشي، من الحوايج دالنفقة، والكاطو، والكوكوطات طايبين، والغيطة والطبل قابطة من راس الدوار حتا للدار وكلشي ناشط وفرحان بالعرس دي حياة

يتبع...