الحلقة الثامنة و الأربعون (48) من مسلسل حياة
ايحا عليك ا حسن؟؟؟ لياه ماعرفتاش؟؟ هاديك بنت القرطاشية؟؟ هادي دي كاتكتبلي البرا غير ماكايكونش رشيد خاك؟؟
والله ايلا كبرت وانسيتا من بالي، هههه
وياك ما عينك فيها ابني؟؟ انا قلت تمشي للتاسيع وانتين غير كاتدورلي علا جناب الدار؟
ايوا ايما اش كايظاهرلك فيها؟؟
ابني اش ماشي نقولك؟؟ سوول اختك عليها راهم ماكايتفرقوش غير القراية دي فرقتم؟؟، راها مانجحتشاي وكلست فالدار
حسن عملا بين عيناه وماتهنا حتا سوول حياة
اخاي راك عرفت ماتختار؟؟ الرزانة والعقل والشغل، ولاه ماجيتا حادگة، ههه
ايوا اهضر معاها اختي ايلا بغات نمشيو لعندم ماحدي هنا،؟؟
ايوا هي باغي تمنع من العرس ديالي، هههه، باغي تعملو عرس واحد؟؟، وحدة تخرج!! و وحدة تدخل!!، وايني راك حساسبي مع راسك ؟
هههه، لاواه اختي، غير قلت نجيب دي تونس يماك، راك ماشية تخوي عليها الدار
وهاكداك كان، فداك برمسيون دي حسن، گازت الخطبة دي حياة، ومن بعد الخطبة دي حسن مع سعيدة صاحبتا دي حياة، وكملت الفرحة عليهم كاملين، ومنانة عجبا الحال، ماشي تجووج بنتا وحتا ولدا حسن ماشي يعمل خيمتو
رشيد كان فالجامعة وقامت الروينة، الاضرابات والمدابزة بين الطلبة والبوليس غير رجلاه دي منعوه، وجا هارب للدار
ايما ماكاين مايعجب، راني خليت تما الطايح اكثر من النايض، وبنادم غير مشلوط ؟؟؟
ايوا ياجي تگگس بحالك ايلا تجي فيك شي زرواطة تهررسلك داك أگممار؟؟
العربي باقي فالرحى، كايطحن ليل ونهار، ايوا اجمع خير الله د الزيتون هاد العام والزيت دي كايعطيوه عل البغل، ومانساشاي خوتو
ا العربي بيعلي شي 10 يطرو د الزيت راه وصاني عليها واحد العسكري، هوما هاد العام ماعندمشاي، راك كاتعرف الزيتون ؟ عام يولد وعام يگايز هههه،
لياه اخاي حسن، حنا بيناتنا الحساب،؟؟ خيرك سابق، هزز بيدك دي بغيت،
الله يكثر خيرك ا العربي، وايني هو راه ماشي يخلصني فيها، دبا نعطيهالك، مايمكنشي؟؟
وارجع حسن للصحرا، وعببا معاه الاوراق والتصاور دي حياة لصاحبو مصطفى وحتا ديالو راه مانساهمش، وغير وصل دفعوا الاوراق ديالم، وبقاو كايعاينو طوريزاسيون دالجواج يخرجلم، وتعطل عليهم وحتا برمسيون مابقاشاي كيف ماكان من قبل، الصحرا مهوولة من جهة العدو، وبداو الهجمات، وايني هادشي كايعرفوه غير هوما،
اما منانة ومحجوبة وحياة وسعيدة، واهل الدوار، ماكايوصلمش هاد الخبار، غير البرية راحنا بخير وعلا خير، لا ينقصنا سوى النظر في وجهكم العزيز
يتبع...
#مسلسل_حياة_اليازغية
لمن فاتته الحلقات السابقة، تجدونها على الرابط التالي:
https://goo.gl/24fFS1