الحلقة الخامسة والأربعون (45) من مسلسل حياة
- زعم نكون امراة خالي حاملة؟؟؟مصطفى عجبو الحال من دي وافق حسن علا الزواج ديالو مع حياة
- ايوا مانعرفلك، وايني السمامات د الحمل كاينة
- خلي حتا يكمل الشهر ونعرفو؟؟ لياه يماك زهرة ماوصاتكشاي؟؟؟، زعم راه خارط عليها هادشي؟
- قوم سير تضوضر شوية ماتبقاشي ناعسة؟؟، وماتهزشاي الثقل،
- ايوا خاي حسن غير تكون ماشي قولالي نوجد واحد البرية عطيها لخاي حميد، وقلو يعبيو الخطبة كاملة مكمولة لعندكوم، وراك تما اخاي حسن مانحتجشاي نوصيك، وجيبلي معاك التصاور ديالا والاوراق راك عارفم، هههههالعربي داخل فالعشية للدار
- صافي مزروب ا مصطفى، ههههه
- ايوا خاي حسن راحنا صبرنا اكثر من القياس؟؟
- ايوا الله يسخر لكم وعقبال لدي باقي، ههههه
- هي كاتهضر علا راسك،؟؟؟ هههههه
- ايوا مانكرهوشاي نجبرو شي وحدة دي تكلس تما مع منانة، مرة يدابزو مرة يتصالحو، هههه
وغير نمشي برمسيون، المراة تبات كاتعاودلي علا يما اش عملتلا، وفالصبح يما تبقا تعاودلي عل العروسة اش عملتلا، ويانا فالوسط كانسمع لهادي ونسمع لهادي ونعمل الخاطر لكولشي علا مايگوز برمسيون، ونخرج ونخليهم كايبكيو بجوج، هههه ونرجع بحالي،
- والله ما كذبت اخاي حسن، ههههه، هاكداك عاودلي عزيز ولد عمي، داكشي دي كايعمل مع يماه ومراتو، حتا كايرجع،
- اجي ا العربي؟؟؟ادخل العربي كايهرب لحفيظة وجبرا متكية فالبيت، وبدا مسيكن بحال ليشير الصغير، كايطلب منا السماحة ويرغب فيها، وبكثرة الفرحة وقاللا، نهار السوق يا حفيظة نشريلك الدوارة كاملة بالكبدة ديالا ونشوي ونعطيك،
- نعام ايما؟؟ اشداكشي؟؟؟
- لياه يدداك كايسبقو فاك؟؟، لياه ماتعرفش تفكر بعقلك وتعرف مراتك اش كايضررا؟؟، ايوا غير قالت لك مريطة، سوولا مالا؟؟، ايوا لوكان طييحتلا داكشي دي فكرشا؟؟؟؟
- اه!!!!!! واش ايما حفيظة كاتولد؟؟؟
- ا حييد من قدامي بشيد الشكرودة،!!! كاتقييل محررف علا داك الكشبوط عاملو تحت ابطك، وتسف فالدخان وتسوط؟؟؟، كاتبخخ علا بوزلوم؟؟؟، الله يخليك بالخلا!!
حفيظة واخا كلت بالصمطة، والفرحة دالحمل نساتا فكولشي، وبدات كاتطحك مع العربي
رشيد مازال فالجامعة، والقراية صعيبة وماكاينجح فديك الفترة غير سيدي ومولاي، وضييع عامين مانجحش، وهاد العام عندو التانية دالجامعة، ومابغاش يدفع للتعليم حتا يكمل، هادشي دي علاه وصاه خاه حسن،
- اخاي رشيد انتين غير قرا ودي احتاجتا نصيفطالك، ايوا هاكدا تكون الخاوةيتبع...
- ايما راهم قالولي الجماعة،قالك بغاو يعملوني جماج؟؟ عل الزيتون؟؟
- و اشكون هذا دي قالالك ا العربي؟؟
- عمي الحسين، راجل القرطاشية
- ههههه، والله ايلا ماعنك ماتسالو؟؟ اعبر عليك، شافك ديما طالق الكسيبة ديالك فمتاعو وبغا يتهنا منك؟؟ ههه،
- ايوا سير ا العربي، كالس كالس، اللهم تحضي الزيتون، والناس دالدوار راهم يتهلاو فيك
- راه قالي، ايلا كنت باغي، ؟؟؟ جيب الكارني ديالك ونمشيو مع المقدم لعند القايد، يقيدوني عندو باه الناس كوللا تعرف؟؟؟
- ايوا سير، راها فايدة لعنك وللدوار...
 من مسلسل حياة - زعم نكون امراة خالي حاملة؟؟؟ - ايوا مانعرفلك، وايني السمامات د الحمل كاينة - خلي ح…){kind=link}