مسلسل "حياة" - الحلقة 44

بني يازغة الثلاثاء, نوفمبر 14, 2017
مسلسل "حياة" - الحلقة 44


الحلقة الرابعة و الأربعون (44) من مسلسل حياة


- ايوا طنز عليا يا مصطفى، ههههه
- كيف راها البلاد، وكيف عاملة خالتك منانة؟؟
- البلاد خاصا الشتا، والوالدة راها بخير وعلا خير، وكولشي كايسلم عليك، ارا شي خبزة من تما سخونة راني جبت شي زويتة صافية بلار، ههه
- فايرراها السخرة ا مصطفى ؟؟ او ماعطاوكش؟
- راها مجموعة فديك الكارطونة!!!!
- والله يحفظك يا الوالدة، سير يا منانة الله طولي فعمرك، مصيفطالي حتا القديد، ههه

كايجبر حسن البرية دي حياة، وحكاتلو فيها كل ما وقع فالبلاد، وعلا الخطبة دي مصطفى وهنا ماشي يعرف بلي صاحبو راه اطلب اختو حياة للزواج، ههه

- ايوا هي بغيت ا مصطفى تجووج،؟؟؟ هههه
- واييه اخاي حسن، هههه، والله ايلا حشمت نقولالك، وقلت زعم حتا نمشي للبلاد ونشوف يما ونهضر مع خالتي منانة ونعرف الري دي حياة ودالدراري، وايني مرجوعتي لعندك، هههه
- ياك بعدا،!!!، مرجوعتك لعندي، هههه، كون غير قلتالي نصيفط معاك برية ونقولالم، او اخفتني الى نعككسلك،؟؟ هههه،
- لا حاشا اخاي حسن، راني عارفك، وخيرك سابق وانت راك اكثر من خاي، شركنا كولشي
- اسيدي من جهتي يانا الله يسخر لكم والله يكمل بالخير، راكوم عزاز عليا بجوج، لا انت لا اختي !!

منانة سمعت الغوات دي حفيظة فالبيت!!!!

- ا هدا ا المسخوط!!!!، اهدا ماشي تقتلا يا داك الجيفة!!!. احل الباب!!!

حفيظة كاتغووت لربي دي خلقا، علا مافيها من جهد، وهو كايدق فيها
اخرج العربي ناتر وكايسب ويعررق لحفيظة !!

- مالك معاها يا هاد الخطية؟؟؟ اش عملت لك؟؟
خارجة حفيظة كاتبكي 😭😭: شوف ا مراة خالي اش عملي!!! هاها كيف ردلي مخاخي بالبزيم د الصمطة!!!!
- كون تحشم وغطي جعاطرك يا ديك الماسخة!!!، مابقيتوشاي كاتحشمو!! الله يمسخكوم بجوج،
- وما انتين صبيبحة، حتا انتين راك بخبيزتك!! ديما جوابك علا نابك!! ولسانك ديما احرش؟؟؟
- سير اخسل وجهك وحالتك واجيو تفطرو،!!! تاكلو فيه جغديد!!

جا العربي وحفيظة كايفطرو، وهي تسقبط بهم منانة، مالكوم هاد ليام غير مشانقين؟؟؟
- ا مراة خالي والله ماعملتلو شي حاجة؟؟ انا اصبحت عيانة!! وما قديتش نقوم، وهو كايقولي قوم وخا مريطة!!
- وانتين ا الجيفة ما عندك قلب؟؟، قالت لك مريطة خليها وقوم؟؟ ياك انا كانفيق بكري؟؟
- يا الله افطر وقوم تخرج لشغلك، خليني نهضر مع حفيظة،؟؟؟
- حفيظة ماحسيتشاي براسك؟؟، هادي شهر ونص من دي وصيتك؟؟ او نسيت؟؟ وياك مايحسابلك راني ناعسة علا عين قفاي وماكانشوفش؟؟؟،
- والله ا مراة خالي ايلا نسيت؟؟؟، هاد الشهر هادا راه ماكاين والو؟؟؟
- قوم يا الخطية!!، تلاقيتو يا المناصب؟؟ غير الكلخة لاختا؟؟، صافي غير يجي دبا نهضر معاه وانتين كمللو الهضرة غير يكون فالبيت وماتبقاش تعاند معاه
- زعما نكون كانولد ا مراة خالي؟!

 يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »