مسلسل "حياة" - الحلقة 43

بني يازغة الثلاثاء, نوفمبر 14, 2017
مسلسل "حياة" - الحلقة 43

الحلقة الثالثة والأربعون (43) من مسلسل حياة


- ايوا اش قلت امنانة، دبا تعطيونا حياة لابني مصطفى؟؟، راه قالي ايلا بغاو، نعببيو الخطبة ونمشيو لعندم؟؟
- اش اشماشي نقولك يا محجوبة، مصطفى راه بحال ابني، ماكانفررقش بينو وبين حسن، ومانجبرشاي ما احسن منو، ايوا نشوف خوتا اش كايقولو ونشوفا حتا هي، افاينك ا حياة؟؟

حياة راه كاتوجد اتاي، وحشمانة!!!!

- هايانا ايما غير كانوججد لكم اتاي
- ايوا ياجي اهضر مع خالتك محجوبة، راها بغاتك لمصطفى،؟؟

حياة حشمانة، وبدات كاتبسم..

- اخالتي محجوبة، مصطفى مافيه مايتعاب، والبنات د الدوار كولم يتمناوه،نشوف خاي حسن اش كايقول؟؟؟
- كاتكلم حفيظة مراتو دالعربي: ولياه العربي ماشي خاك؟؟، اوياك هو الراجل فهاد الدار؟؟؟، او هو ماعندو كلمة؟؟؟
- نهاك الله ا حفيظة؟؟، انا ولادي كولم عندي بحال بحال؟؟؟، غير هي حسن صاحبو دي مصطفى ومعاه فالصحرا؟؟؟
- قولي ا محجوبة؟؟؟، ماقالالوشاي قبل مايجي، او ماسولتوشاي؟؟؟
- والله ا الحبيبة ماسولتو؟؟، ايوا راهم بحال التوام، كبرو مجموعين وگاجاو مجموعين..
- كاتكلم حياة مع محجوبة: ايوا ا خالتي، دبا نصيفط برية مع مصطفى لخاي حسن، ونقولو اش كايقول فهادشي، هي هاديك انا نكمل هاد العام دالقراية، و قلو لمصطفى غير يكون ماشي يگوز لعندنا نعطيوه السخرة يعبيها لخاي حسن.

مصطفى تلاقا حياة فالمنزل، خارجة من الليسي، وسلم عليها..

- ايوا ا حياة،؟؟؟ ماجاوبتنيشاي

بدات حياة كاتتبسم..
- مصطفى؟؟ ماقلتاش لحسن قبل ماتجي؟؟؟
- والله ماقدرت نقولالو، انا قلت حتا نجي للبلاد ونشوفكوم انتوما اش كاتقولو، ونهضر مع يما، عاد نقولالو،؟؟
- ايوا شتي يا مصطفى؟؟، هو صاحبك وعزيز عليك، ويقولك انا اخر واحد دي ماشي يعرف، ايوا المهم، دبا تجبر الخبار عندو غير تمشي وتعبيلو السخرة، هاداك عزيز عليا بزاف اكثر من خوتي، ومانعملش شي حاجة بلا شوارو وخبارو..
- ايوا ما قلت عيب ا حياة، حسن راه بالنسبة لي اكثر من خاي، ويانا راني احشمت منو، هههه
- ا مصطفى؟؟ ابني كون غير مشيت تدادي فالتاسيع، كاتبانلي ديك حياة ماعينا فجواج؟
- لياه ايما؟؟ اش قالت لك؟؟؟
- قالتلي حتا تشور مع خاها حسن؟؟؟
- ايوا ايما ما قالت عيب، هاداك خاها وعزيز عليها، وكاتعمل بريو؟؟،
- لياه حنا نبقاو كانعاينو خاها حتا يجي فالتسريح؟؟، غير هي دي كاينة، وغير يجي هو انتين تكون ارجعت بحالك لخدمتك؟؟
- ايما ماعرفت الخير فاين كاين، لازربة علا صلاح..

العربي قالتالو مراتو حفيظة، وماعجبوش الحال؟

- ا يما!! واش مصطفى جا كايخطب حياة؟؟
- اييه اوليدي، راه جات يماه، وقلتلا حتا نشور مع خوتا ونقولوها لخاها حسن؟؟
- هي يانا دبا غير زايد فهاد الدار؟؟، ماعندي كلمة،!!،نعاينو حنا حسن حتا يجي من الصحرا؟؟ باش للا حياة تبقا علا خاطرا؟؟؟
- ايوا قبطا حداك حتا شي نهار تجيبنا شي فضيحة؟؟
- نهاك الله ا العربي؟؟، وانتبنا فاك ماكايقولش الكلام دي يليق؟؟؟

ارجع مصطفى لخدمتو وعببا السخرة لصاحبو حسن، وغير وصل جبرو كايحمي الخبز، ههههه

- الله يعاونك اخالتي منانة، ههههه
- ايوا اطنز عليا يا مصطفى، هههههه، ايوا كيف راها البلاد، وكيف عاملة خالتك منانة؟؟؟
 يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »