القائمة الرئيسية

الصفحات

مسلسل "حياة" - الحلقة 42

الحلقة الثانية والأربعون (42) من مسلسل حياة

- اه!! نسيت راسي يا مصطفى، هههه ادخل اخيي انتين راك بحال حسن
- هذا مصطفى ا يما ولد خالتي محجوبة؟؟؟
- ايوا قلو يدخل؟؟ ليه براني راه بحال حسن؟
- اش خبارك ا الرباطية؟؟ هههه
- اخلاه يا خيي قالاك رباطية؟؟ كان يانا وجهي دالرباط؟؟، لاصقة فيا تمارة حتى نهار نموت
- ا عالسلامة دي مصطفى، اش خبارك ابني؟؟، ايوا هي عاد؟؟
- لا راني جيت هادي سيمانة؟؟
- ياك يا بلعدو؟؟؟ هادي سيمانة وماجيتش ليلي؟، مسانس كاتگوز لعندي غير كاتجي؟؟
- ايوا ا خالتي، جيت واجبرت يما مريضة وعبيتا للطبيب، ايوا راه الأخبار فراسك؟؟
- ايييه، فراسي ديك العين كانت كاتدمعلا؟؟، كيف بقاتلا دبا شويييش؟؟؟
- لا لاباس دبا، راني شريتلا الدوا
- سير ابنتي اعمل الغلاي يسخن، وعممر لمصطفى شي كاس داتاي؟؟
اخرج مصطفى وقلبو مخطوف،؟؟؟ من جهة حياة..
ايوا بصراحة هادي هي البنت دي علاش كانقلب؟؟،هي غير حداي وانا ماخلليت حتا دوار🙄
- ايما؟؟ اش كايظاهرلك فحياة بنت خالتي منانة؟
- ايوا يا ابني الله يعمرا نقلة، يماها امراة مقادة وبنت الاصل، وايني هاد الايام كاتدور شي هضرة فالدوار، كايقولو ولد حمو كايمشي ويجي معاها فالطريق، والله مانعرف؟؟؟
- ايوا عمر كايقرا معاها، وحتاحنا مشينا وجينا مع بنات الدوار؟؟؟
- ايوا سوول خاك حميد، هو دي يكون عندو الخبار..
مصطفى ماسوول لا حميد لا غيرو، مشا سوول عمر دي كايقرا معاها..
- اهلا سي مصطفى،؟؟ علا سلامتك، ايوا هي عاد عييطو رجال البلاد
- الله يسلمك اخاي عمر، كيف عاملين مع القراية،
- ايوا راك عارف وراك مجررب اخاي مصطفى، تمارة د الطريق قتلتنا، هاد العام عندنا الباك؟؟
- قولي اخاي عمر، بغيت نسولك، واش بينك وبين حياة شي حاجة،؟؟؟
- حياة اخاي مصطفى بنت الدوار واختو دي رشيد صاحبي بحال خاي، وهي راها بحال اختي، علاش اخاي مصطفى كاتسولني؟؟
- بصراحة اخاي عمر راني بغيت نخطبا، والهضرة دالناس، وانا بغيت نتاكد منك انت؟؟؟
- شوف اخاي مصطفى، ايلا تبعت الهضرة دالناس، كل واحد وقلبو؟؟؟، من جهتي اتكل عل الله، واهضر معاها هي، شوفا اش كاتقول، والله يسخر لكم، دي عليا نشطح ونردح فعرسكوم،ههه
- الله يحفظك اخاي عمر، راني عارفك ولد الناس، هاكدا كنا مع بنات الدوار يانا وحسن، كانو بحال خواتاتنا، نتوانسو فالطريق ونتغذاو مجموعين..
ومن بعد ماتيقن مصطفى، قال ليماه، تخطبالو...
- ايما سير اهضر معاهم ويلا قالولك اييه نعبيو الخطبة؟؟
- ايوا اهضر مع باباك، وديك الساع نمشيو
- ايما قولالو انتين، انا راني احشمت منو؟؟
مشات محجوبة وعبات جوج قوالب دالسكر، كاتطلب حياة..
- ايوا اش اقلت ا منانة، حنايا راحنا بنات الدوار، وكتابلنا هنا، وهاحنا عشنا و ولدنا الاولاد، دبا اش قلتو تعطيونا حياة لابني مصطفى؟؟؟
 يتبع...