مسلسل "حياة" - الحلقة 39

بني يازغة الأربعاء, نوفمبر 01, 2017
مسلسل "حياة" - الحلقة 39

الحلقة التاسعة والثلاثون (39) من مسلسل حياة

- هي العربي اعمل العرس؟؟؟
- باينة فيك يا العدو دببرت علا شي عروسة؟؟
- هههه، لا والو اخاي مصطفى، راك عارف، انا دي كنت مكلف بالعرس وماكاينش دي يعاون، ايوا ماساليتشاي
- وايني ضروري، ماتكون طاحت عينك علا شي وحدة؟؟ هههه، العرس راه مناسبة؟؟؟
- ايوا مازال يا خاي مصطفى؟؟ مازال يا الله كملنا 3 سنين، مازالا عامين، عاد عندنا حق نتزوجو؟؟، وشكون هادي دي تعاينك عامين؟؟
حياة ،وصل وقت الدخول د المدرسة، وخالا ادريس تعطل ماجابش الانتقال، وتقلقت؟؟؟
- ايما!!! البنات بداو كايمشيو يتسجلو، ويانا مازالة كانعاين فاحبيبي يجيبلي الانتقال ديالي
- ايوا ابنتي الغايب حجته معاه!! حتا هو راه خدام وماكرهشاي، ماعرفنا ديالاش دي قبطو؟؟؟
- غير يجي رشيد نقولالو، ايلا ماظهرش هاد الايام؟؟؟، نعطيه الراكوب ويمشي حتا لعندو؟؟
- ادريس!! شفتك يمكن نسيت راسك؟؟
- اش داكشي ا بهية؟؟؟ ياك لاباس؟؟؟
- ايوا الدراري راهم بداو كايمشيو يقراو؟؟
- لياه، كاتقولي هاد الهضرة؟؟ ياك نبيل باقي صغير،؟؟؟
- ماشي علا نبيل؟؟ علا الانتقال دي حياة؟؟؟
- ااااه!! والله ايلا نسيتو؟؟؟
- سير ا ادريس، جيبو من المدرسة؟؟ راها تكون مقلقة!! وغير تكون ماشي قولالي نعطيك شي حوييجات راني اشريتملا، والله ا ادريس ايلا بقات بلاصتا،؟؟؟ واسانست عليها، غير هاد لوحم جاني عليها، وهي مسيكنة درويشة!!
- ايوا الله يكثر خيرك ا بهية، راك مانسيتاش؟؟
- راها يا ادريس كانت بحال بنتي، الله يسمحلي منا وصافي، وراني فالعرس تهلليت فيها وطلبت منا السماحة هي ويماها، وراهم سمحولي؟؟؟
- ايوا الله يقدرنا عل الخير يا باهية،
رشيد هاد العام عندو الاول فالجامعة، وراه كايوجد الاوراق ديالو باش يعطيوه الحي الجامعي، ومانساهش خاه حسن؟؟،
اما العربي اعمل فيه النفس وبدا كايصبح فالاسواق ويزيير راسو باه مايبقاش يخسر ؟؟؟
- ا شكووون؟؟؟، شوف ا حياة شكون دي كايدق!!
- احبيبي؟؟؟؟
- عالسلامة بنتي حياة!!! اشخبارك يا العفزيتة؟؟
- الله يسلمك احبيبي، شخبار ماما بهية ونبيل،؟؟؟ والله ايلا توحشتو بزااف!!
- ا عالسلامة دي اخيي، والله ايلا غير البارح عاد جبدناك، وقالتلي حياة مانعرف حبيبي علاش تعطل؟؟؟، قلتلا ايوا كل واحد وهمو؟؟؟
- والله يا اختي منانة، ايلا غير الشطنة دالخدمة والهم ما كايساليشاي؟؟
- ايوا شخبار مناين جيت؟؟، وشخبار الحاجة؟؟، ياك مامشاو مقلقين علينا؟؟؟
- كايسلمو عليك اختي، لاواه !!!مشاو عاجبم الحال، وقالتلي الحاجة، الحمد الله دي سمحولنا بعدا؟؟
- ا حبيبي؟؟ جبتلي الانتقال؟؟؟
- ياك ا العفريتة كاتسوول غير عل الانتقال؟؟؟
- سير بعدا عملي واحد البراد داتاي بحال هادوك دي كنت كاتطيبلي فالرباط؟؟؟
- هو الاول ا احبيبي، ههههههه
- اختي منانة، فاين العربي،؟؟ بداشي كايتحززم شوية، ياو باقي هاكداك مرخي؟؟؟ 
يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »