مسلسل "حياة" - الحلقة 35

بني يازغة الأربعاء, نوفمبر 01, 2017
 مسلسل "حياة" - الحلقة 35

الحلقة الخامسة و الثلاثون (35) من مسلسل حياة


- حياة؟؟ مالك ابنتي واقفة فالباب؟؟؟؟
- فاين الساروت؟؟؟، ياك ما طاحلك؟؟؟
- حياة!!!! اهضر ابنتي مالك ساكتة؟؟؟
- اه، قلعتولك ديك اللفعة، صافي ابنتي، ملي تبقا تخرج من المدرسة ؟گوز لعندي للخدمة نجيبك معايا، باه متتبقاش علا بررا
- بهية؟ اش هاد الخدمة كاتعمل مع البنت؟ لياه تحييدلا الساروت؟؟؟، اعجبك الحال دبا تجي وتبقا فالباب؟؟؟ اش يقولو علينا الناس؟؟؟؟
- ايوا اللهم تبقا فالباب، والا يجي خاي هشام وتفتحلو وتمشي توقع شي فضيحة؟؟
- ديما كاتفهما غير بالمقلوب؟؟، ا بهية؟؟ كايقولو فررش لاولاد الناس فاين ينعسو ديالك.

وبقات بهية علا داك الحال مع حياة، وخا دارت فيها يماها الحاجة علا هادشي، وايني راسا قاسح ومابقات حاملة حياة تبقا معاها، حتا جا حسن برمسيون فالصيف وكانو ماشي يعملو العرس للعربي ومشا للرباط باه يعرط خالو ومراتو ويجيب حياة تحضز فالعرس دي خاها..
- يا الله ادخل حسن..

حياة تعللقت فيه وبدات كاتبكي، ملي شافا اسي ادريس، قالو لحسن يا الله ا حسن نخرجو ندورو شوية، وتما عاودلو القصة كاملة..

- هادشي كلو احبيبي واقع لاختي ويانا ما سايق خبار؟؟؟، علاه ما تعبيهاش للبلاد لدار باها،؟؟ تما تعيش وتاكل وتشرب وتكمل قرايتا بحالا بحال بنات الدوار؟؟
- حسن اوليدي، راني قلت حتا تكمل القراية باه مايضيعلاش العام، وراك جبرتني ماشي نجيبا يا الله قبطو العطلة، وكانعاين نخرج كونجي
- ايوا المهم ا خالي انا ماشي نعبي اختي تعيش فدار باها مع يما وخوتي ومايخصا حتا خير، وغير يوصل الدخول للمدرسة يجيبلا الانتقال ديالا، وانتوما مرحبا بكم نهار السبت راه عندنا العرس دالعربي
- لا حسن دبا دي جيت غير اعفيني، هاديك الگنس ما ماشياشاي تمشي وانا راني مازال خدام، سيرو انتينا وحياة وعملو العرس دي خاك، والله يسخر، ايوابلاتي نعطيك شي بركة باه كنت ماشي نعاون العربي راني مواعدو،
- لا غير بلاش احبيبي راني ماشي نتكلف بكولشي،
- لا والله حتا تقبطا !!! انا واعدتو حتا نعاونو، وسلم علا اختي منانة، وغير نقبط الكونجي دبا نجي، ونهضر معاها وقوللا تسمحلي بزاف، وقوللا راها ديك الگنس غير عملت الواشون تبددلت بزااف..

ملي وصلو للدار، حياة طارت علا يماها منانة ودرعتا وبدات كاتبوس فيها وتبكي
منانة مسكينة تبهطت وماعرفت اش واقع؟؟ ويحسابلا غير توحشتا ومافراساش بلي راها جات تبقا معاها ديما، حتا عاودلا حسن كولشي، وهنا متانة مسكينة، الله يسمح لينا من الوالدين ماهناهاش الحال ودخلت حياة للبيت وبدات كاتسول فيها وتعرريلا فحوايجا وتقللب فيها..

- ويااااك ا بهية؟؟؟، الله يعطيك كية فالقلب كيف كويتلي بنتي. هاها بنت الحرام من فعايلا، كواتك من دراعك ومن جعاطرك،
- حياة قولي هاداك خاها ياك ما قاصك ياو مد عليك يدو، راني حسن مايعاودليش كولشي، قولي انتين،؟؟؟ نسمع من فاك؟؟؟ 

يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »