مسلسل "حياة" - الحلقة 34

بني يازغة الأربعاء, أكتوبر 25, 2017
مسلسل "حياة" - الحلقة 34

الحلقة الرابعة و الثلاثون (34) من مسلسل حياة

- لا والو احبيبي؟؟ غير، توحشت يما و صافي
- شوف ا حياة!!!
- ابنتي راني عارف هاد الگنس تغييرت، ومابقاتش معاك كيف كانت، زعم غير ولدت الولد والثاني راه فكرشا يحسابلا قطعت الواد ونشفو رجلاها،؟؟؟؟، والله ابنتي ما نفوتك!!!!
- لياه احبيبي؟؟ حاملة بالثاني؟؟؟
- اه ابنتي راها فالشهر التاني
- احبيبي غير عبيني لدارنا يانا مابغيت لك صداع مع مراتك؟؟؟
- لا ابنتي، ماشي دبا ايلا بغيت تمشي، حتا تقبطو العطلة، باه مايضيعلكش العام وانتين كاتقرا فالكاطريام، وهاد العام صعيب عليك، انا بغيتك تنجح، وديك الساع نعبيك، المهم رد بالك،؟؟؟
مصطفى جا برمسيون وشاف والديه عمي الحسين ويماه صفية وخاه حميد، وگووز الايام ديالو مبرعة، ومشا لعند خالتي منانة
- اشكون ؟؟؟؟
- ايانا ا خالتي منانة
- ا عاين راني ماعرفتكشاي،
- اه، وليدي مصطفى!!!! اشخبارك ا الحبيب، واشخبار مناين جيت، وشخبار وليدي حسن، ليه ماجاشاي معاك؟؟؟؟؟ ادخل اوليدي ماتبقاشي فالباب، راك فموطع حسن
ايوا ادخل مصطفى وتهلات فيه منانة وفرحانة به، بحال ايلا تقول ولدا حسن
- ايوا علا سلامتك، و فايوخ ماشي تمشي؟؟؟، عناك تمشي وما تگوزش لعندي؟؟، نعطيك ابني زويتة وسمينة عبيها لحسن
هشام اخرج من الليسي وشاف حياة ماشية مع الطريق وتبعا
- حياة؟؟؟ وا حياة؟؟؟
- نعام ا هشام!! اش بغيت؟؟ ماكفاكش ديك المصيبة فاش تسببتلي؟؟، انتين اخرجت مشيت لداركوم؟؟ واختك جات كاتفرشني وتقتل فيا، بحال ايلا يانا دي عاملة الفضايح!!!!
- والله ا حياة ما فراسي شي حاجة؟؟؟
- معلوم مايكونش فراسك، انتين خليتني مع احبيبي واخرجت، كون ديك الساع بقيت تما، وفهمو وشرحلو، وقلو راه ماكاين والو؟؟؟
- دبا سير بحالك، الله يخليك، انا ماقادة علا صداع،؟؟ ايلا يمشي يشوفك احبيبي، ويشك فيا، وانا مابيني وبينك غير الخير؟؟؟
- لا ا حياة، والله حتا نقولا للحاجة، نقوللا راها بهية ضربت حياة، وهي مسكينة ما عاملة والو،؟؟؟ا، انا السبب فداكشي؟؟
- هشام؟؟؟؟،اخاي ماتقوللا ماتقوللك، غير خليوني بعيدة عل الصداع، ماشي تجي تخررج فيا يا غيلوف ديالكوم؟؟؟؟
وصلت حياة للباب د الدار وبدات كاتدق؟؟وحتا واحد مافتح الباب
حتا جا اسي ادريس من الخدمة وكايجبرا فالباب بالشكارة ديالا
- حياة؟؟؟ مالك ابنتي واقفة علا بررا؟؟؟، لياه فاين الساروت؟؟؟ 

يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »