مسلسل "حياة" - الحلقة 32

بني يازغة الأربعاء, أكتوبر 25, 2017
مسلسل "حياة" - الحلقة 32

الحلقة الثانية و الثلاثون (32) من مسلسل حياة

- حياة؟؟؟؟ شوف شكون دي كايدق!!!
- هذا هشام!!! ا ماما بهية؟؟؟
- اهلا هشام، شخبارك واشخبار امي وشخبار البنات؟؟؟
- الحمد لله اختي بهية، كولشي بخير، كايسلمو عليك، اشخبارك ا اليازغية؟؟ ( حياة)
- الحمد لله ا هشام، ايوا ها حنا مع المدينة؟؟
- ايوا دبا راك ارجعت رباطية، مابقيتشاي يازغية؟
- لاواه ا هشام، المدينة ماكاتبدل الاصل وخا نعيش هنا حياتي كوللا!!
هشام خاها دي بهية، شاف حياة كبرت وزيانت وبدا كايتردد عل الدار ديال ختو بزاااف، كل مرة كايجي، هو اكبر من حياة قدو قد رشيد خاها..

العربي ملي شاف يماه منانة قسسحت معاه الهضرة، اعطاها الفلوس كاملين دي صافط حسن وماخللاش رشيد يكتب البرية ويقوللو راه العربي ماعطاناش الفلوس..

وگازت الايام والشهور، حتا كمل السطاج دي حسن ومصطفى ومشاو للصحرا تما يكملو السربيس ديالم، و فوقاش ما وصل برمسيون ديالم كايجيو للبلاد ويتهلاو فوالديهم..

رشيد ارجع مهتم بقرايتو مزيان ودبا كايقرا فالباك، مهلي فيه خاه حسن وحتا يماه منانة
اما العربي هو هو؟؟ ماتبدلش دي كايجمعا كايفرتكا ومعوول غير علا خاه حسن ويماه منانة..
- اش كاتلقي تما ا العربي فالبيت د التبن؟؟؟
- هاد التجاجة حطنتا ايما؟؟؟
- وفوقاش وانتين عارف التجاجة دي كاتولد ودي محطنة ؟؟؟، ااااه!! وانا كانقول هاد التجاج كايولدو فشي جهة اوخرا!! كايتلفو البيض!! مابقاوش كايولدو عندي،!!!!
- العربي؟؟؟ فوت عليك البيض؟؟ وسير تخدم علا راسك؟؟؟، اويلي راك خاطب !!! باه باغي تعمل هاد العرس؟؟؟ بالقمول؟؟؟
- ايوا اتكل علا خاك وخالك؟؟؟ دبا يخدمو عليك حتا نهار تموت؟؟؟، غير يجووجوك مايبقاوشي ييعرفوك،؟؟؟،
اسي ادريس جا للدار و كايجبر هشام نسيبو واقف حدا حياة!!! ،
- السلام عليكم، اهلا هشام
- علا سلامتك اعزيزي
- حياة ؟؟ فايررراها بهية؟؟؟؟
- مانعرف؟؟ احبيبي، انا جيت من المدرسة وماجبرتاش؟؟؟، غير ادخلت للدار وهشام دق فالباب وفتحتلو، يا الله ادخل!!!
- كيفاش مانعرف؟؟؟؟ !!!!!!

 يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »