مسلسل "حياة" - الحلقة 31

بني يازغة الأربعاء, أكتوبر 25, 2017
مسلسل "حياة" - الحلقة 31

الحلقة الواحدة و الثلاثون (31) من مسلسل حياة

- ايوا اش قلت ا حياة؟؟؟، سير ابنتي لعندا مافيها باس عاونا دبا تتهللا فيك!!!
حياة حشومية وماقدرتش تقوللا لا؟؟، ومشات حياة وعاونت نعيمة مراة الكماندار، وجاو الضياف، ومن تم شافتا واحد المراة وبدات فكل احد كاتجي تطلبا من عند بهية، بلا خبار اسي ادريس، حتا لواحد النهار...
- بهية فاين حياة؟؟؟؟
- راها مشات للحمام!!!
- ياك مولفة كاتمشي معاك،!!! مالا هاد النهار مشات بوحدا،؟؟؟؟
- انا عيانة والولد مريض، ماقدرتش نمشي، ومشات بوحدا،؟؟
جات حياة فالعشية مسخسخة بالتخمال واشغال الدار، ماباينة عليها سيفت الحمام، غير ادخلت، وهي تلاقاها بهية للباب وقالتلا ادخل للدوش واخوي علا حالتك الما، راني قلتلو لحبيبك امشيت للحمام، ماخصنا صداع!!

وداكشي دي اعملت حياة، باش ماتعمل المشاكل لبهية مع خالا اسي ادريس، وايني اسي ادريس حس بشي حاجة كاينة، وبدا كايراقب حياة نهار الاحد فين كاتمشي حتا اعرف الحقيقة، واهضر مع بنت اختو حياة..
- شوف ابنتي حياة؟؟؟، انا عارف بلي بهية دبا اعملت ولدا!!! ومابقاتش كاتهتم بك وايني راك بحال ابنتي ويانا دي جبتك، نهار تصيفطك لشي امراة ماتمشيش، دبا نهضر معاها وانتين غير بقا بعيدة من الصداع خلينا بيناتنا.
- أ حبيبي انا هاد الصداع دي مابغيت، لوكان تشوف اش كاتگووز عليا وماكانقولش، غير باه ماتدابز معاها، راه اشغال الدار كانخدما كوللا غير كانجي من المدرسة؟؟
- صافي ابنتي غير اصبر، دبا يحن الله
جا حسن للرباط واجبر حياة ماشي هي هاديك، وايني هي ماعاودتلو والو..

ادخل العربي للدار وجاب واحد البرية دي حسن ومعاها الماندة، واعطاها لرشيد يقراها..
- ايما راه كايسلم عليك وقالك راه صافط لك 16 الف ريال، وقالك اعطي للعربي الفين ريال ويانا الفين ريال..
- ايوا الله يرضي عليك يا وليدي ياحسن، راه مانساكومشاي، مصاب غير تكونو رجال!!!!
العربي هو دي عندو لاكارط، اما رشيد مازال ماعملاش، ودبا العربي هو دي ماشي يصررف الماندة.
- العربي؟؟؟ فاين الفلوس دي صافط خاك؟؟؟
- ايوا خلاه حتانتين ديك اربعة د ريال؟؟؟
- ارا لاون الفلوس؟؟؟ واسكت من الهضرة، وسير اخدم فيهم بدراعك؟؟؟
اعطاها النص وخلا لعندو النص..
- ياك العربي دبا كاتعمل مابغيت، بحيت عندك الكارني؟؟؟، ايوا بالزعط ايلا عندك؟؟؟
- رشيد!!!!!! اكتب لخاك الجواب؟؟ وقلو!!! العربي راه اعببا الفلوس كولم، قلو ماتعاودش تصيفطنا !!!

- حياة؟؟؟؟ شوف شكون دي كايدق فالباب؟؟؟
- هذا هشام!!!!! ا ماما بهية؟؟

يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »