مسلسل "حياة" - الحلقة 29

بني يازغة الثلاثاء, أكتوبر 24, 2017
مسلسل "حياة" - الحلقة 29

الحلقة التاسعة و العشرون (29) من مسلسل حياة

- ايوا كولشي تبدل يابني!!، ايوا عطاوكومشي شويش دالتسريح بعدا ياو والو؟؟؟
- ايما غير واحد العشريام!! دبا راحنا مازالين فالسطاج، مازال ماتسررح برمسيون
- ايوا تبارك الله اوليدي، بعدا يتشاوف الواحد.
كاينقز العربي..
- هههه، هي هاديك اخاي نمشيو نخطبو راها كافية، هههه
- شكون هاد صبيحة السعد دي ماشي تخطب ا العربي؟؟
- ايوا قللو ايما !! او هادي جاتك ثقيلة؟؟؟
- ا خلي خاك يرتاح؟؟، وانتين مزروب علا الجواج؟؟، دبا يطربك فالراس، عناك غير ماتقدشي براسك...
بهية لوحم ديالا صعيب، وغير كاتعصب علا كولشي، راجلا فاهم الامور وماكايتحاكش معاها وعاملا خاطرا، اما حياة هي حشومية وغير كاتغوت عليها بهية، كاتردا غير عل البكا، وايني هي صابرة علا كولشي باه تكمل قرايتا فالمدينة.

رشيد، مابقاش كيف ماكان، القراية عندو نقصت، وخا حسن كايتهلا فيه، وايني بقا بوحدو ماكاين دي يحاسبو والا يراقبو، وبدا كايغييب ويقييل فالقهاوي، حتا لواحد النهار جات البرية من الليسي للدار واقبطا العربي ويحسابلو دي حسن بحيث هو ماقاريش وعطاها ليماه..
- هاك ايما واحد البرية راها جات..
- وديالمن هاد البرية؟؟ خاك عاد امشى..
- اراها لاون هايانا ماشية للقصوابية، دبا تقراهالي سعيدة ايلا يانا جبرتا جات..
وهنا ماشي تعرف منانة بلي رشيد كايغييب ومابقاش كيف ماكان؟وعاينتو حتا جا نهار السبت.
- رشيد!!!! قولي ابني؟؟ اش كايخصك؟؟
- حتا حاجة ايما!!، علاه كاتسول؟؟؟
- لياه ماكاتدخلش تقرا؟؟وهاد البرية دي جات، ديديالاش؟؟؟، خاك كايصيفطلك واعطاك فاش كان هنا!! ويانا كانوصي فيه، ابني تهلا فخاك راه ماعندو حد؟؟؟، ويانا دي كانجمع من البيض والحبال والصوف، كانعطيهالك غيرباه ماتخص؟؟ وانتين كاتغييب؟؟، ايوا اسمع نقولك!!! ايلا ماشي تقرا!! سير گابل قرايتك، مابغيتشاي، ماشي نصيفط لخاك برية ونقولالو وراك عارف دي ماشي يكتبا، ماقاريشاي غير اانتين؟؟؟
رشيد هو كايحشم من يماه، وعزيزة عليه بزاف، وهاد النهار شافا ماعاجبا حال والهضرة مبدلة علا كيف ديما، واحدر راسو، وماقدرش يجاوبا، حتا غلبوه الدموع، وايني كانت الهضرة دي منانة قوية عليه وعملتلو االراس..
- احبيبي ياك نمشيو فالعطلة دالربيع دي قلتلي؟؟
- انشا الله ابنتي، وايني بهية ماشي تكون ثقيلة ومايصلاحلا سفر؟؟؟
- ياك ا ماما بهية تمشي معانا،؟؟؟ فالربيع كاتكون عندنا الدنيا غزااالة، الفول الخوطر والقممار والبقول وكولشي..

 يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »