القائمة الرئيسية

الصفحات

مسلسل "حياة" - الحلقة 27

الحلقة السابعة و العشرون (27) من مسلسل حياة

- ايوا اكتبلو ابني، وجاوبو وقلو يتهلا فراسو، وراحنا بخير وعلا خير، وراحنا توحشاناه بزاااف، وقلو فوقاش ماشي تجي؟؟؟ ابني!!! عناك تنسا،؟؟ قلو خاك العربي راه باغي يعببي بنت عمتك حفيظة، وباه ماكان يواجبنا؟؟؟ وقلو يما راها كاترضي عليك فكل صلاة، وفالصبح والعشية.

حياة، انطلقت فالمدينة وعملت صحاباتا دي كايقراو معاها، والنتيجة عندا مزيانة، وخا توحشت يماها وخوتا وايني، راه واعدا خالا بلي يعبيها فالعطلة.

بهية حست براسا بلي شي حاجة عندا، ومشات للطبيب، وهنا ماشي تعرف راسا بلي حاملة فالشهر التاني، وكانت فرحة كبيييييرة عليها وعلا العائلة ديالا وعلا اسي ادريس، و حتا حياة فرحت بزااااف، وخا حست براسا بلي ماشي ماتبقاش المعزة كيف كانت عند بهية..

اسي ادريس، بالعكس حياة عندو عزيزة بزاف واكثر من بنتو ماكايخليهاش مخصوصة من شي حاجة، وخا دبا احملت مراتو و حلم الابوة ماشي يتحقق، مانساش حياة..

حسن ومصطفى، وصل برمسيون ديالم الاول، و قبطو الكار وجاو للبلاد، وصلو فالليل..
- اشكون؟؟؟؟، اشكون دي كايدق فهاد الوقت؟؟؟ اعاين!! هايانا ماجية

يتبع...