مسلسل "حياة" - الحلقة 24

بني يازغة الأربعاء, أكتوبر 18, 2017
 مسلسل "حياة" - الحلقة 24

الحلقة الرابعة والعشرون (24) من مسلسل حياة

- حسن مشا لداك الشيباني وسولو على خالو اسي ادريس، وقالو عايني فالباب هاني ماشي نكمل الخدمة ونخرج نوصلك حتا للدار.
- ايوا اخرج حسن كايهرب لمصطفى وقالالو، وعاد نزلو عليهم شطايطم
- اسي ادريس مشا للدار بدل حوايجو وتبع مراتو وحياة للبحر تما يفوجو شوية ويتغداو مجموعين،
- حسن يالله نمشيو ناكلو شي حاجة راه اقتلني الكحط، المعيدة ديالي خاوية ومصارني كايجغجغو، ههه
- ويلا اخرج هاد الشيباني وماجبرناش؟؟؟ ومشا بحالو؟؟، فاين ماشي نعرف الدار دي احبيبي؟؟ سير ا مصطفى لداك الحانوت راه فاين اشري من عندو واجي كاتطير، قبل مايخرج؟؟؟
العربي بدا كايزعم علا يماه!!!، بقاو غير بجوج، رشيد ما كايعمرشاي فالدار..
- ايما!!!، اش كايظاهرلك فهاديك حفيظة؟؟؟
- شكون هاد حفيظة؟؟؟ ولاه كاتسول عليها؟؟؟
- حفيظة بنت عمتي زهرة، وياك قالي خاك العام الماجي تجووجوني!!!
- خاي أ قبيح السيفة!!!!، قدك قدو!!! قول احبيبي الله تحبك حبوبة،!!
- ايوا سير تخدم وتبيع وتشري واجمع راسك شوييش، باه حتا هي تشوفك جامع راسك، غير نطلبوها من عمتك ما تردناشاي
- اخرج الشيباني وتلاقاه حسن للطريق
- قولي ا اوليدي، انت من العائلة د اسي ادريس؟
- اه ا الشريف!! انا ولد اختو
- مزيان، هي انت يازغي؟؟ ايوا كاينشي زيتون هاد العام ؟؟ راني ديما كانكييلا من بن يازغة
- ايوا شواي ا الشريف كل عام ورزقو
- انا راني قريب لعندكوم،!!! انا من الخميس دي سيدي عبد الجليل، حياني!!!!
- ايوا اوليدي، اش هاد المجية؟؟؟ وشكون هذا دي معاك،؟؟؟ واش خاك؟؟
- لا ا الشريف هذا ولد عائلتي من دوار واحد، وماجيين نگاجيو،
- مزيان، ايوا يا الله تمشيو تتغذاو عندي وارتاحو شوية وعاد نمشيو نصولكوم عند خالك
- لا الشريف الله يرحم لك الوالدين ويخلف عليك، غير وصلني لخالي!!!
- وايني راك يازغي!!!! ماتكونشي راسك قاسح، حنا جيران وحشومة تجيو حتا لهنا وماتغذاوشي عندي، وخالك صاحبي وجاري!!
- ايوا ا الشريف ايلا كنتو جيران، بحال بحال، غير وصلنا لعند خالي، الله يكثر خيرك،
- ايوا ها حنا قربنا ،مابقاشاي، ها هي الدار ديالو، بدا كايدق ويعاود،!!! والو ماكاينش دي يحل؟؟؟ يمكن خارجين؟؟؟ بلاتي نسوول داك مول الحانوت، وا الحوساين،؟؟؟ ما بانش لك اسي ادريس؟؟؟؟
- راه ادخل بددل حوايجو واخرج؟؟
- ايوا يا الله تمشيو لعندي تتغداو وترتاحو حتا يجي دبا نوصي مول الحانوت عليه، نيتي غلبت نيتكوم ههههه
- مصطفى هاز الساك ديالو وداك البيدو دالزيت؟؟، وغير كايخمم؟؟؟
- ا حسن، واش ماشي نمشيو لهاد الحياني؟؟؟
- ايوا هانتين كاتشوف ا مصطفى الزهر ديالنا، خالي ماكاينش فالدار؟؟؟؟
- احيااااني يانا يا حسن!!! يما اعطاتني الزيت نعطيها للكماندار؟؟، ودبا هاني داخل بها لعند الحياني؟؟، هههههه
- خلاااااه ا مصطفى ههه فضحتنا بهاد البيدو؟؟؟ تقول جايبلي العسل؟؟؟، ايلا غير الزيت، راها يما غير كاتمشط بها راسا هههه،
- ماجاتش ا حسن ندخلو بالزيت للدار د السيد ونخرجو بها ؟؟؟ ويلا اخرجتلو فاولادو؟؟؟؟
- ايوا يانا عاهدي غير باللحم، وماعاهديشاي بالزيت،؟؟؟،
- ايوا ادخلو وتغداو وارتاحو،، واحد شوية ماجي سي ادريس كايدق، وادخل واجبر حسن ومعاه صاحبو، ايوا هز معاهم وعباهم للدار، غير ادخلو، وحياة درررعت خاها حسن ومابغاتش تطلق منو، كاتبوس فيه وتبكي، ومخلطين دموع وفرحة،
- اش خبارك اختي حياة، هايهاي علا حياة ارجعت رباطية؟؟؟، هههه، الحوايج جداد، فان كنتو؟؟؟
- كنا فالبحر، اخاي حسن، ههه، بحال الواد وكبييييير وفيه الملح ادخلي فعيناي، ههههه

يتبع....

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »