مسلسل "حياة" - الحلقة 18

بني يازغة الخميس, أكتوبر 05, 2017
مسلسل "حياة" - الحلقة 18

الحلقة الثامنة عشرة (18) من مسلسل حياة 

- ﺣﻴﺎﺓ!!، ﺍﺑﻨﺘﻲ ﻏﺪﺍ ﺭﺍﻧﻲ ﻣﺎﺷﻲ ﻟﻠﺒﻼﺩ، ﺍﻳﻮﺍ ﺩﻳﺎﻻﺵ ﺩﻱ ﺗﺸﻬﻴﺖ ﻧﺠﻴﺒﻠﻚ؟؟؟
- ﺑﺼﺢ ﺍﺣﺒﻴﺒﻲ؟؟؟!!! ﺗﻮﺣﺸﺖ ﻳﻤﺎ ﺑﺰﺍﺍﺍﻑ، ﻣﺎﻛﺮﻫﺘﺶ ﻧﻤﺸﻲ ﻣﻌﺎﻙ ﻭﻧﺮﺟﻊ!!!!!
- ﻳﺎﻙ ﻻﺑﺎﺱ ﻫﺎﺩ ﺍﻟﻤﺸﻴﺔ؟؟؟
- ﻻ ﻭﺍﻟﻮ ﺑﺎﺱ ﺍ ﺑﻬﻴﺔ؟؟، ﻏﻴﺮ ﻧﻤﺸﻲ ﻧﻘﻠﻮ ﻝ ﺣﺴﻦ ﻳﺨﺪﻡ ﺍﻻﻭﺭﺍﻕ، ﺭﺍﻧﻲ ﻫﻀﺮﺕ ﻣﻊ ﺍﻟﻜﻤﺎﻧﺪﺍﺭ ﻋﻠﻴﻪ، ﻭﻗﺎﻟﻲ ﻗﻠﻮ ﻳﺠﻲ ﺭﺍﻩ ﻛﺎﻳﻦ ﺍﻟﺪﺧﻮﻝ، ﻭﻫﻲ ﻫﺎﺩﻳﻚ ﺣﺠﺔ ﻭﺯﻳﺎﺭﺓ ﻧﺠﻴﺐ ﺍﻻﻧﺘﻘﺎﻝ ﺩﻱ ﺣﻴﺎﺓ.
- ﻧﻤﺸﻲ ﻣﻌﺎﻙ ﺍ ﺣﺒﻴﺒﻲ؟؟؟؟
- ﻻﻭﺍﻩ ﺍﺑﻨﺘﻲ، ﻣﺎﻣﺎﺷﻴﺸﺎﻱ ﻧﺘﻌﻄﻠﻮ ﺗﻤﺎ ﺭﺍﻫﺎ ﻋﻨﺪﻱ ﺍﻟﺨﺪﻣﺔ ﺭﺍﻧﻲ ﻗﺒﻄﺖ ﻭﺍﺣﺪ ﺍﻟﻴﻮﻣﻴﻦ، ﻟﻴﺎﻩ ﻣﺎﻟﻚ ﻣﺎﻋﺠﺒﺘﻜﺶ ﺍﻟﺴﻜﻨﺔ ﻣﻌﺎﻧﺎ؟؟؟
- ﺍﻳﻮﺍ ﺧﻼﺹ ﺍ ﺣﻴﺎﺓ، ﺣﺘﺎ ﺍﻧﺘﻴﻦ ﻧﻔﺴﻚ ﺷﺤﺎﻝ ﺣﺮﺓ!!!
- ﻣﺎﺭﺿﺎﺗﺶ ﺑﺎﺧﺘﻲ ﻧﻌﻴﻤﺔ ﻳﺤﺴﺎﺑﻼ ﻳﺎﻧﺎ ﺟﺒﺖ ﺍﻟﺨﺪﺍﻣﺔ، ﻣﺎﻋﺮﻓﺘﺎﺵ ﺍﻳﻼ ﺑﻨﺖ ﺍﺧﺘﻚ؟؟
- ﻻ ﺍ ﻣﺮﺍﺓ ﺍﺣﺒﻴﺒﻲ؟؟؟ ﻣﺎﺷﻲ ﻏﻴﺮ ﻫﻲ؟؟، ﺣﺘﺎ ﻣﻮﻝ ﺍﻟﺤﺎﻧﻮﺕ ﻗﺎﻻﻟﻲ، ﻏﻴﺮ ﺳﺨﺮﺗﻨﻲ ﻧﺠﻴﺒﻠﻚ ﺍﻟﺤﻠﻴﺐ
- ﺍﺵ ﻗﺎﻟﻚ ﺩﺍﻙ ﺍﻟﻌﺮﺝ؟؟؟؟
- ﻗﺎﻟﻲ ﻭﺍﺵ ﺍﻧﺘﻴﻨﺎ ﻫﻲ ﺍﻟﺨﺪﺍﻣﺔ ﺩﻱ ﻟﻼ ﺑﻬﻴﺔ
- ﺍﻳﻮﺍ ﺻﺎﻓﻲ ﺩﺑﺎ نگوﺯ ﻟﻌﻨﺪﻭ ﻧﻘﻴﻠﻮ ﻭﺩﻧﺎﻩ، ﺑﺎﻩ ﻳﺒﻘﺎ ﻳﺴﺪ ﻓﺎﻩ،
- ﺍﻳﻮﺍ ﺍﻳﻼ ﻛﻨﺖ ﺗﻤﺸﻲ ﻟﻠﺒﻼﺩ، ﺩﺑﺎ ﻧﻤﺸﻴﻮ ﺍﻧﺎ ﻭﺣﻴﺎﺓ ﻟﻌﻨﺪ ﺍﻣﻲ ﻧﺒﻘﺎﻭ ﻋﻨﺪﺍ ﺣﺘﺎ ﺗﺮﺟﻊ، ﻣﺎنبقاﻭﺷﺎﻱ ﺑﻮﺣﺪﻧﺎ؟؟
- ﺍﻳﻮﺍ ﻣﺎﻓﻴﻬﺎ ﺑﺎﺱ، ﺭﺩ ﺍﻟﺒﺎﻝ ﺍ ﺑﻬﻴﺔ ﺍﻟﺒﻨﺖ ﻣﺎﻋﺎﺭﻓﺎﺷﺎﻱ ﺍﻟﻤﺪﻳﻨﺔ ﻋﻨﻨﺎﻙ ﺗﺨﻠﻴها ﺗﺨﺮﺝ ﺑﻮﺣﺪﺍ؟؟ ﺗﻤﺸﻲ ﺗﻨﺘﻠﻒ ﻋﻞ ﺍﻟﺪﺍﺭ.
- ﺟﺎ ﺳﻲ ﺍﺩﺭﻳﺲ ﻟﻠﺒﻼﺩ، ﻭﺟﺒﺮ ﻣﻨﺎﻧﺔ ﺍﺧﺘﻮ ﺑﻮﺣﺪﺍ ﻣﺴﻜﻴﻨﺔ ﻛﺎﺗﻤﺨﻂ ﺍﻟﻠﺒﻦ، ﻏﻴﺮ ﺍﺩﺧﻞ ﻋﻠﻴﻬﺎ ﺍﻟﻘﻠﺐ ﺩﻳﺎﻻ ﺗﺨﻄﻒ!!!، ﻳﺎﻙ ﻻﺑﺎﺱ ﺍﺧﻴﻲ ﻫﺎﺩ ﺍﻟﻤﺠﻴﺔ؟؟؟
- ﻓﺎﻳﻦ ﺣﻴﺎﺓ؟؟؟، ﻳﺎﻙ ﻣﺎﻭﻗﻌﻼﺷﻲ؟؟؟
- ﻏﻴﺮ ﺑﺮﺭﺭﺩ ﺍﺧﺘﻲ ﻣﻨﺎﻧﺔ، ﻣﺎﻭﺍﻗﻊ ﺑﺎﺱ، ﻛﻮﻟﺸﻲ ﺑﻴﺨﻴﺮ، ﻭﺭﺍﻫﺎ ﺍﺳﺎﻧﺴﺖ ﺗﻤﺎ ﻣﻌﺎﻧﺎ، ﻭﻛﺎﺗﺴﻠﻢ ﻋﻠﻴﻚ ﺑﺰﺍﺍﻑ، ﺭﺍﻧﻲ ﻏﻴﺮ ﺟﻴﺖ ﻧﻘﻠﻮ ﻟﺤﺴﻦ ﻳﺨﺪﻡ ﺍﻻﻭﺭﺍﻕ ﺩﻳﺎﻟﻮ
- ﻓﺎﻳﻦ ﻫﻮ؟؟؟؟
- ﻭﺍﻟﻠﻪ ﻳﺎ ﺧﻴﻲ ﺍﻳﻼ ﻃﻴﺮﺗﺎ ﻣﻨﻲ ﺧﻠﻌﺔ!!!، ﺭﺍﻩ ﺧﺪﺍﻡ ﻣﻊ ﻭﺍﺣﺪ ﺍﻟﻤﻌﻠﻢ ﺩﺍﻟﺒﻨﻲ ﻣﺎﻛﺎﻳﺮﻭﺡ ﺣﺘﺎ ﻟﻠﻈﻼﻡ، ﺍﻳﻮﺍ ﺍﻛﻠﺲ ﻧﻌﻤﻠﻚ ﺷﻲ ﺣﺎﺟﺔ تاكلا؟

ﺑﻬﻴﺔ ﻣﺸﺎﺕ ﻟﻌﻨﺪ ﻳﻤﺎﻫﺎ ﺳﺎﻛﻨﺔ ﺣﺘﺎ ﻫﻲ ﻓﺎﻟﺮﺑﺎﻁ ﻫﻲ و ﺟﻮﺝ ﺩﺍﻟﺒﻨﺎﺕ ﺑﺎﻗﻴﻴﻦ ﺑﻼ ﺟﻮﺍﺝ ﻭﺧﺎﻫﺎ ﻫﺸﺎﻡ ﻛﺎﻳﻘﺮﺍ، ﻭﻋﺒﺎﺕ ﻣﻌﺎﻫﺎ ﺣﻴﺎﺓ،حتا هوما غير شافوها يحسابلم خدامة، فات العصر سخرو حياة تجيب الحليب من الحانوت فراس الدرب، وغير كانت راجعة، نتلفتلا الدار!!! وبقات كاتقلب!!! الزناقي بحال بحال، والبيبان نفس الصياغة!!! 

يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »