الحلقة السابعة عشرة (17) من مسلسل حياة.
- راك جبت معاك الخدامة من العروبية!!
- لاواه اختي نعيمة، هادي حياة بنت اختو د سي ادريس، جبتا لعندي تقرا وتكبر عندي دريويشة مسكينة،
- ايحا عليك يا لهبيلة، ايوا هادي راها عزبة!!!!،
- لاواه اختي نعيمة، هادي حياة بنت اختو د سي ادريس، جبتا لعندي تقرا وتكبر عندي دريويشة مسكينة،
- ايحا عليك يا لهبيلة، ايوا هادي راها عزبة!!!!،
حياة مسكينة كممدتا فقلبا وسكتت، سي ادريس تلاقا الكوماندار، وسولو واش كاينشي دخول دالعسكر،
- أ سي جمال، الله يخليلك صحيحتك واحد ولد اختي ماقبطشاي الباك هاد العام وباغي يدخل للعسكر، الى كاين كيفاش تعمل ،الله يجازيك بيخير
- اييه اسي ادريس علا راسي وعيني، هدا راه قاري شوية ندخلوه مع دي قاريين، مانضييعوهشاي، غير قلو يخدم لوزاق ديالو ويجي، راه هاد اليامات كاين الدخول،
- الله يكثر خيرك ا سي جمال، والله الى فررحتني،
حسن، العطلة دالصيف مشا يخدم فالبني باه يعاون يماه، ويعاون خاه رشيد مازال كايقرا ويوجد باه يسافر للرباط غير يصيفطلو خالو ويقولو ياجي.
اما العربي، مازال هو هو، غير كايتخص من الفلوس كايتكي علا نعجة ياو خروفة يعبيها للسوق يبيعا، ويطرطقا فالدراز والسوق،
اما منانة مسكينة خوات عليها الدار،مگابلة البقيرة ديالا، وكاتغزل الصوف وتفتل الحبال وكاتعطيهم لرشيد يبيعم فالسوق، هو كايجيبلا الفلوس كاملين ماكايضييعشاي ،
حياة مسكينة، من بعد ماسمعت اختا دي مراة خالا كاتنعتا بالخدامة، وحتا الجيران كايقولو بهية جابت الخدامة من العروبية مازالة ماتيقت راسا، واش جابا خالا تقرا عندو ياو خدامة، كل نهار تفيق فالصبح وتعمل اشغال الدار،من تسياق وتجفاف وتخمال، حتى لواحد النهار قاللا خالا
- حياة، ابنتي غدا راني ماشي للبلاد، ايوا ديالاش دي تشهيت نجيبلك؟؟؟
يتبع...
 من مسلسل حياة. - راك جبت معاك الخدامة من العروبية!! - لاواه اختي نعيمة، هادي حياة بنت اختو د سي ادريس،…){kind=link}