مسلسل "حياة" - الحلقة 16

بني يازغة الخميس, أكتوبر 05, 2017
 مسلسل "حياة" - الحلقة 16

الحلقة السادسة عشر (16) من مسلسل حياة

- إيوا هادشي دي كايقولو العيالات فالدوار؟؟؟
- وياك ا حليمة!!!! انا كايحسابلي، ماجية تصبرني، يا الله دفنت بوعزة هاد العام والبنيتة ها هو اغلب فيا خاي وعباها معاه، والولد ها هو ماشي يگاجي، والدار كاتخوا عليا النهار علا خاه، وانتينا ماجيالي بهاد الهضرة، ايوا قولم لعيالات الدوار ماشي شغلكم فيا ولادي هوما، ماخرجناشاي كانسعاو عليهم؟؟
- ايوا سمحلي يا منانة هادشي کلو والله مافراسي، هي قولي ابنك ماشي يگاجي؟؟؟؟، يانا هو، فيهم،؟؟؟؟
- حليمة!!! الله يتاهناك راسي راه ماشي، يتفرق عليا، خليني نرتاح !!!

وصلت حياة للرباط، وجبرت الدنيا مبدلة عليها، قوات البني والديور عاليين،والحديد كثير شي ماشي شي ماجي،الزهر دي عندا خالا ساكن فالسفلي تهنات من الدروج، عطاتا مراة خالا البيت فاش تعمل الحوييجات ديالا وتنعس فيه، الدار كبيرة وخاوية مافيها واشون.

- حياة!!!، حييد عليك دوك الحوايج واجي تدخل للدوش نغسلك حالتك.

دوشت حياة وحست بالراحة التامة فالدار دي خالا، وبان الفرق مابين الدوش والخسيل فالجفنة، 

خرجت حياة مع مراة خالا للسوق وكساتا وصبطتا، ومشات كاتساريها فالمدينة، وعباتا معاها لعند اختا نعيمة مراة الكماندار.

- عالسلامة اختي بهية، ايوا راك ماجيتشاي خاوية ماعندي مايتسالك، راك جبت معاك الخدامة من العروبية.

يتبع....

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »