مسلسل "حياة" - الحلقة 15

بني يازغة الخميس, أكتوبر 05, 2017
مسلسل "حياة" - الحلقة 15

الحلقة الخامسة عشرة (15) من مسلسل حياة

- الله يكثر خيرك أ احبيبي، ايوا بلاتي نقولوهالا ونشوفوها اش كاتقول؟؟
- فايرراها حياة أ يمما؟؟
- راها مع مراة احبيبك بررا، كانو واقفين قدام الدار ومشاو لديك الشجرة دالغداني دي عندنا فالنصل دالمرجع.

بهية مابيهاشاي الكرموص، وايني بها تهضر مع حياة الراس فالراس وتزيينللا فالمدينة، وهنا اخدمت خدمتا، والمراة ماكاتعرفلا غير المراة.

خرج حسن كايقللب علا حياة جبرا مع مراة خالو، وعيط عليهم بجوج.

- ايوا قولي أ حياة ،اش كاتقول؟؟ احبيبك بغا يعببيك معاه للرباط تقرا عندو ويتهللا فيك؟؟
حياة تبسمت وحنات راسا.
- ايوا سير ابنتي مع احبيبك ماراهشي براني عليك، راه يتهللا فيك وماتعملشي الشطون لمراة احبيبك، احدر راسك وتعلمك كولشي، المدينة راها فيها كولشي وماتخرجشي بوحدك،
- ايوا بقاو حتا لغدا نجمعلا حوييجتا ونمخط لكم لبينة ونجمعلكم سمينة، تعبيوها معاكوم، وزويتة بلدية راها عزيزة علا حياة كاتفطر بها فالصباح.

حسن ،ماعجبوشاي الحال، وايني البنت بغات ،كلاتلا مخا مراة خالو وماجبر مايعمل فيدو من دي خللاها تمشي.

- ايوا اختي غير يوصل الدخول دالمدرسة ،نجي نعبيلا الانتقال ديالا، باه نقييدا تما، وانتين ا حسن عنناك تنسا راسك،؟؟؟

مشات حياة للرباط، وبقات منانة مسكينة بوحدا، حتا مشات عاد حست بالبلاصة دي حياة خوات، ورجعت بها ندامة وايني جات فخاها ماعندا ماتعمل، اسمعت الدقان فالباب!!!!!

- أ شكووووون!!!!، أ شكوون!!

خرجت كاتجبر جارتا حليمة.

- ايوا يا منانة اش هادشي عملت؟؟؟
- لياه ا حليمة ؟؟ اش عملت؟؟
- اعطيت بنتك تتسخر فالمدينة، ياك عباتا مراة خاك لشي امراة فالرباط تسخر عندا؟؟؟
- ايوا هادشي دي كايقولو فالعيالات فالدوار؟؟؟

يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »