مسلسل "حياة" - الحلقة 14

بني يازغة الأحد, أكتوبر 01, 2017

مسلسل "حياة" - الحلقة 14

الحلقة الرابعة عشر (14) من مسلسل حياة

- ايوا اش كاتقول اختي؟ حياة راني ماشي نعملا اكثر من بنتي، وحسن غير يخدم لوراق ديالو ويجي لعندي؟؟
- ايوا يا خيي اش ماشي نقولك، باباها عاد مات، وهي مسكينة مصدومة من جهتو، وحتى الولد ها هو ماشي يگاجي وماشي تخويو عليا الدار، ايوا نشوفا اشكاتقول هي ونهضر مع خوتا ونرد عليك.

منانة قالتا لحسن هو دي كايسمع وبعقلو اما العربي ماعندو كسار، خاصو غير الفلوس وغير يدخل للدار يجبر ماياكل.

- اش كاتقول ا حسن، خالك بغا يعبي معاه اختك تقرا عندو، وقالك انتين يوقف معاك حتا تدخل للعسكر.
- هاااكداك هي قولي ماشي خالي دي بغا حياة؟؟؟، مراتو دي بغاتا تعملا خدامة ديالا !!! وقالتلك تهضر مع راجل اختا يوقف معاي؟؟ ايوا يانا ماموقوف علا حد، ماشي ندخل بدراعي، ومانتكل علا حد، وحياة؟؟؟، هاديك راها امانة فرقبتي!!! اببا الله يرحمو قبل مايموت كايوصي فيا ويعاود، ايلا عطيتالو وككد عليه، تقرا عندو وتكمل قرايتا ماشي تخدم علا مراتو؟؟؟
- قالاك تخدم علا مراتو؟؟؟،والله وخا نعرف نقطع من لحمي ونعطيها والا نخرجا تخدم فهاد السن؟؟، مزيان وتبارك الله!!، سير عييط علا حبيبك راه بررا قدام الدار؟؟؟
- اش كاتقول أ خاي، واش ماشي تعبي حياة تعملا خدامة؟؟؟؟
- واش اختي يانا هبيل؟؟؟ بنت اختي نعملا خدامة؟؟، شكون دي قالك هاد الهضرة؟؟؟
- اسمحلي أ حبيبي، ايلا كانت حياة تكمل قرايتا وتربيها بحال بنتك مافيها باس؟؟، راه اببا قبل مايموت كايوصي فيا ويقولي حياة ويماك امانة فرقبتك؟؟
- شوف ا حسن، اوليدي راكوم بحال ولادي ومانبغيش دي ينعت فيكوم بصبعو!!!، حنا هانتين كاتشوف ماعطاناشاي الله لولاد!!، بغيتو تخليوها تمشي معاي، مرحبا بها وراها بحال بنتي، مابغيتوشاي راكوم اولاد اختي ومانگوزكومشاي، وانتين اخدم وراقك واجي لعندي ومايكون غير الخير.
يتبع...

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »