مسلسل "حياة" - الحلقة 9

بني يازغة الاثنين, سبتمبر 25, 2017
مسلسل "حياة" - الحلقة 9

علاش كاتقول أببا هاد الهضرة، راك مازال صحيح، ومازال العمر طويل ان شا الله، 
اببا!!  وا اببا!!! 
أجري ايما جري، اببا مانعرف مالو؟؟؟ 
اشداكشي ابني؟؟، يا الله كان صحة سلام!! 
بدات حياة كاتبكي، وتغووت!! 
سير ابني عييط عل الفقيه والرجال دالدوار، وگوز لخاك العربي، قولالو راه فالدراز؟؟؟ 
اخرج حسن كايهرب، وهو كايبكي
منانة هزتلو راسو وعملتو علا ركبتا،
بوعزة!!!  ابوعزة!!!، 
بوعزة مسكين سخفان، غير النفس دي كاتطلع وتهبط، وحياة مسكينة مفقوسة، كاتبكي ،أببا ماشي تمشي !! ولمن ماشي تخلينا!! 
جا العربي كايهرب، دررع باه وبدا كايبكي، اببا سمحلي، اببا سمحلي، يانا دي ديما كاناكيك، انا دي كانفقسك، 
ارجع حسن ومعاه الفقيه و شي جيران، غير دخلو قامت منانة خرجت وخللاتم، 
بدا الفقيه كايقرا عليه، ويقللب فيه، واش مازال كايتنفس، جبرو مازالة فيه الروح، قالم الراجل ما مقيوص ما ساكنينو الجواد، ماتحييدوش من حداه، ايلا يفيق يتسامح معاكم ،يمكن بداتو الموت!!!ا الله يكون لنا وله، الله يصبركم، 
حسن ماقدرش يصبر علا ابباه كايموت بين يداه وهو ماقادر يعمل والو، والليل والراكوب ماكاينش، وخا يعبيه للصبيطار مايجبر حد فهاد الليل، 
ايوا بقاو ساهرين معاه حتا للفجر، وهو يفيق جبرم دايرين به، حياة غير شافتو حل عيناه، عنقتو وبدات كاتبكي، 
علاسلامتك يا بوعزة خلعتتا عليك،
مالكم دايرين بيا؟؟؟، لياه مازالين فايقين، ؟؟،
الله اودي يا ببا، خلعتنا عليك، راك غييبت حتا جبنالك الفقيه، وبقا كايقرا عليك و والو، انتين غير النفس دي كاتطلع وتهبط، 
اه، ابني، غير العيا وصافي ماتخلعوشاي، سيرو تنعسو راها تابعتكوم القراية، الله يرضي عليكم وينجحكم
منانة قالتلو لحسن، ابني سيفتو ماعاجبتنيش، غدا لاقي خاك رشيد قلو يروح يشوف بباه، الموت والحيا بيد الله

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »