القائمة الرئيسية

الصفحات

مسلسل "حياة" - الحلقة 8

مشات حياة للمدرسة وكيف ما مولفة غير كاتخرج كاتجبر باها بوعزة كايعاينا، هاد النهار خرجت وبقات كاتدادي بعيناها علا طراف المدرسة، ماكاينش، وجات فالطريق كاتفكر علاش هاد النهار با مالاقانيش؟؟ 
غير وصلت للدار، سولت يماها منانة..

- فايررراه ببا ايما؟ 
- راه ابنتي متككي فالبيت

ادخلت لعندو كاتطير، وتفقست بالبكا وعنگتو..

- علاش اببا ماجيتش تلاقيني؟؟ 
- أ بنتي غير عيان شوية وصافي، او بيك الحلوة ابنتي دي مولف كانعطيك، ها هي فجيبي مخببعة لك
- لا أببا والله ما الحلوة، ديك الوقفة ديالك  قدام المدرسة عندي قد الدنيا وما فيها
- الله يرضي عليك ابنتي، ايوا لاواه راك كبرت، ماتبقاشي ديما معوولة عليا، وهو مسكين العطم ارشا والصحة خانتو ومابقاش كيف ماكان من قبل، الجهد ايلا جهد الله.

مشات حياة تبدل حوايجا وتعاون يماها فالكانون، جا حسن فالعشية، كايجبرو متكي ومغطي بالكاشا، سلم علا يماه وسولا..

- ايما مالو اببا؟؟  شفتو هاد النهار ماخرج للجامع؟؟، ياك ما مريط؟
- اوليدي راه عيان شوية، يمكن ايلا طربو البرد، ماتخلعشاي عليه.

مشا لعنو للبيت، كايعييط عليه

- اببا!!  واببا!! 
- حسن جيت اوليدي، الله يرضي عليك، اجي قررب لحداي
- مالك أ ببا خلعتني عليك، ياك لاباس،؟؟  ياك ما مريط نعببيك للصبيطار؟؟؟ 
- لا اوليدي، ماتخرجنيش من داري، ماكاين والو، غير البرد، قررب لعندي، شوف اوليدي تهللا فيماك واختك حياة، حياة راه ماعنداشاي من غيرك، خوتك لوخرين مانتكلشاي عليهم، مصاب يقدو غير براسم، وايني حياة راها امانة فرقبتك. 
- علاش كاتقولي هاد الهضرة أببا راك مازال صحيح ومازال العمر طويل ان شاالله
- اببا!!  وا ببا!!! 

يتبع...