بوعزة غبر وصل حياة للمدرسة، اجبر المعلم فالباب، سلم عليه وهنا المعلم قالو:
- ا الشريف الله يخليك قولم للناس دالدوار يبقاو يعطيو لاولادم العواد يجيبوهم للقسم، راه عندنا الفورنو وايني العواد ماكاينينش، الدراري كايبقاو يرجفو بالبرد وماكايقدروش يكتبو، واش ماقالت لك بنتك والو؟؟
- ا الشريف الله يخليك قولم للناس دالدوار يبقاو يعطيو لاولادم العواد يجيبوهم للقسم، راه عندنا الفورنو وايني العواد ماكاينينش، الدراري كايبقاو يرجفو بالبرد وماكايقدروش يكتبو، واش ماقالت لك بنتك والو؟؟
- لياه ابنتي ماقلتليش المعلم وصاكوم عل العواد؟؟، من دبا الفوق غير يقولكم المعلم شي حاجة، اجي قولالي، يا الله ادخل تكلس مع الواشون؟؟؟
- لا ماقالتليش، وايني غدا نجيبلك معايا عويدات ونقولا للناس دالدوار،
فالعشية ماجي حسن فالشتا والظلام مد يدك ماتراه، وصل للدار كايرجف، سلم علا يماه وبباه..
- هاك ايما هاد الجلابة سخنالي علا ديك الكبراتة، راها فازگة، وقربلي داك المجمر نسخن رجلاي راهم جامدين،
- هاك ايما هاد الجلابة سخنالي علا ديك الكبراتة، راها فازگة، وقربلي داك المجمر نسخن رجلاي راهم جامدين،
- ايوا يا وليدي، الله يخلف شقاكوم، عاين اوليدي نسخن لك ماتاكل، راك كاتقييل غير عل الخبز والزيتون،
- ايما راه قالك رشيد، ديك الماكلة د الخيرية ماكاتعملو والو،؟؟، قالك راه قاتلو غير الجوع
- ولياه ماكايعطيوهمش الماكلة؟؟؟
- قالك كايعطيوهم فالصبح نص خبزة والكوفيتير، وكاس دالقهوة
- وليه نص خبزة وماكفاتوش؟؟؟
- يحسابلك ايما الخبزة قد ديالك، هههه، راها ماواصلاش حتا ديك القريصة دي كاتعمل لاختي حياة، هههه
- ايوا حتا يجي نهار السبت ويعبي معاه شي يطرو دالزيت وشي مطلوعة يعاون بيهم
العربي غير كايرووح الكسيبة، كايمشي للدراز، كايبقا تما كايلعب الكارطة حتا لنص الليل، عاد كايدخل
