مسلسل "حياة" - الحلقة 2

بني يازغة الأحد, سبتمبر 17, 2017
مسلسل "حياة" - الحلقة 2

منانة ماتولا ثلاثة د البنات، وحياة هي البنيتة الوحدية دي عاشت، وداكشي علاش سماوها حياة، عزيزة علا باها بزاف، ماكايخسرلاش خاطرا وما كايخليش شي واحد يقيصا، هي مومو دي عينو، عزيزة علا خوتا حسن ورشيد، وايني العربي ماعنداش معاه، هو مقندش وعصبي بوحدو، ماقراش هو الكبير فخوتو، كايرعى الكسيبة. 
بوعزة هو دي مگابل الفلاحة

- حياة وااااا حياة
- نعام اببا
- اجي ابنتي، بديتو القراية ياومازال؟؟ 
- هاد النهار اببا، عطانا المعلم الورقة باه نشريو الكتوبا والدفاتر، وشريلي اببا الشكارة؟؟ 
- وخا ابنتي، حتا يدخل خاك حسن وعطيهالو، يانا ماقاريشاي، نهار السوق نشري لبنتي كولشي، وايني قرا مزيان بحال خوتك حسن ورشيد، من دي دخلو حتا وصلو للمنزل، ماعمرم عاودو العام؟؟ ما تعمليشي بحال داك الخطية د العربي،؟؟ 
- اسكت خلاه ابوعزة، ماشي يسمعك، ماخصنا صداع معاه؟؟؟ 
- خلاه ا منانة؟؟؟، لياه كانخاف منو؟؟؟ ها العربي داخل، سخنلي ايما ماناكل؟؟  راه قاتلني الجوع
- ايوا غير سللم بعدا، وانتين بحال لا داخل للزريبة، ماتعرف صواب، ماتعرف كلام صبيح؟؟؟ 
- ايوا صافي ا بوعزة خليه عليك؟؟؟ 
- ليه صغيور ا منانة!!!، الركاب ديالو قد سارق السوق، كايدخل عاقدلي العبسة ديالو تقول شارك معاي؟؟؟ 
- فاين الكسيبة؟؟  راحت كوللا ياو تلفت شي وحدة؟؟؟ 
- راها فالزريبة سير شوفا
- ايوا شوف الجواب ا منانة دي كاتقولي خليه عليك؟؟ 
- خلاه ا بوعزة خليه ياكل راه قيال بالهومري؟؟؟ 
- ا خوي ا العربي وخللي لخوتك مازال ماجاوش من المنزل، من دي مشاو عل الصبح

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »