مسلسل "حياة" - الحلقة 1

بني يازغة السبت, سبتمبر 16, 2017
مسلسل "حياة" - الحلقة 1

مسلسل "حياة" الحلقة الأولى - عمر الكرمي

- أ صباح الخير ا منانة
- صباح الخير والربح ا بوعزة
- ايوا واجد السفتوح ياومازال؟ 
- القهوة راها واجدة، بقاتلي هاد الخبرة دابلبول ها هي فالفراح
- فاين حياة؟ 
- راها عاد فاقت وخسلتلا وجها ومشطتلا شعرا وغطيتلا حوايجا
- ايوا نززلنا الفطور باه نعبيها نقييدا فالشكويلة
- أ خلاه أببا، اش كاتقول؟  شماشي تعمل هي بهاد القراية؟  دبا تكبر وتجووج!! 
- اسكت انتين بشيد الفا المعووج!!!، بحيت ماقريتشاي انتين، باغي كولشي يبقا مكللخ بحالك، البيت لاش دخلناك، تما بقيت فيه حتا خرجت منو، قرانك راهم هاد العام علقو سارجانات
- يا الله هزز الموزيط ديالك واعمل فيه شي حرروف دالخبز وحفنة د الزيتون وقوم اتبع الكسيبة؟؟  
- خلليه ا بوعزة يستفتح بعدا!!!
- اسكت ا العربي ماتبقاشي ترد علا باباك الهضرة، وغير تكون رايح، جيب معاك شي قتيتة دالعواد نقررص عليها. 

خرج العربي كاينتر، اما خوتو حسن ورشيد كايقراو فالكوليج، فاقو بكري فطرو غير بالبايت ومشاو للمنزل، يكريو الكتوب..

يتبع... 

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »