مستملحات عمي التهامي ومراتو رقية - الحلقة 1

بني يازغة الجمعة, يوليو 21, 2017
مستملحات عمي التهامي ومراتو رقية الحلقة 1
عمي التهامي كان ناعس ورماتو الفيقة فنصاصات الليل،طارلو النعاس وهو يخرج قدام باب الدار، بقا كايشوف فالسما عامرة بالنجوم، واحد الشوية ضوات عليه الدنيا بواحد النور ماعمرو شافو فحياتو، اتخلع التهامي ودخل للبيت كايفييق رقية.

- رقية وااا رقية، قوم قوم تشوف!!!
- فاقت رقية مخلوعة مسكينة، اش داكشي ا التهامي، مالك كاتغوت، ياك كنت ناعس، اش فييقك
- واحد الضو كاين فالسما ماعمري شفتو
- خرجت رقية مع التهامي، كايجبرو غير الظلام والنجوم فالسما
- العجب يا الله كان واحد الضو مجهد ما عمري شت بحالو
- هاديك ا بن الجيفة لاخور، باب السما تحلت لك، اش طلبت ا التهامي؟ قوللي؟؟
- وااااالو يا رقية بقيت غير مبهوط
- ديك الساع ا المبهدل، اطلب غير العمى لعيناك
- گوز تنعس، تنعس ماتفيق، محكوم على باباك بالزلط حتى تموت فيه.

عمر الكرمي

بني يازغة، بنيازغة،  benyazgha, beni yazgha

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »