كندادي على داك العبد - عادل اليازغي

بني يازغة الثلاثاء, فبراير 21, 2017
كندادي على داك العبد - عادل اليازغي

السلام عليكم تحية لبني يازغة هذه القصيدة فخاطر الناس دي ماعندهوم كلمة والله يهدي ماخلق

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
دي سمح فولاد بلادو
وسمح حتى فولادو
والجمر مابقاش رمادو
ياودي اش هاد المنكار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
غي ندكرو فسيدي ربي
مول الشرقي والغربي
سيد العجمي والعربي
دير الخير كون ملخيار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
ماتنساش ولاد جلدتك
دير الخير نتا فحياتك
راك تلقاه حتى فمماتك
راه ربي عزيز وجبّار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
كون طيب بحال باك
وولادك غطيهم برضاك
ولكلام الزين يعمر فاك
ماشي قليل الاصل وغدار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
فهاد الحزة و الله عوين
غير يكون بنادم زوين
كانكتبلك هاد التدوين
باش يبقى عندك تذكار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كاندادي على داك العبد
كايعرف شلا من لعباد
بغاو يديروني فالجباد
نطلب من الله الصمٓد
يرفع عليا الضر ولضرار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
دي عيطتلو فديك الساعة
وكان مشغول مع لجماعة
كايشيطنولي دوك الرباعة
ونتا مامسوق خبار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
مدي هضرنا فالتيليفون
خشا راسو بحال الفكرون
سبق الميم وحرف النون
غفرلي ذنبي يا غفّار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كاندادي على داك العبد
نقولو ربي راه كبير
وهو مايلقي غير الخير
نتا غير دعي بالتيسير
وربي يجعلنا من لبرار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
دير فالخير وغير نساه
كايوصل لربي فسماه
والاجر عندو تلقاه
راني مرضي ماشي من لشرار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
دي نسا راسو فالدنيا
وداتو ديك البليا
راه غلات عندك الشريا
دابا ربي يرفع المنكار

كندادي على داك العبد
دي مشى فبلادو والارض
و الدنيا الطول وبالعرض
ماتقول غير عمر المختار

كندادي على داك العبد
نحمدو الله ونشكروه
بنادم يغلط نعدروه
نعزازو عندو ونكرموه
هاكا حنا بنيازغة لحرار

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »