القائمة الرئيسية

الصفحات

قصيدة " أنا راني صياد" - محمد ارطيلي

قصيدة " أنا راني صياد" - محمد ارطيلي

انا راني صياد

انا راني صياد انا راني صياد
والصيادة غير فهامة
ماشي جبهة وزعامة
ماشي الطرطيق فالسَّما
والدخان عمانا.

انا راني صياد
صياد أُوبقوامي
مايگوزوشي قدامي
معروف بداك الرامي
منخطشاي الدبانة.

انا راني صياد
ماندخل للغابة
حتى ندورلا بجنابا
يخرجو دوك الحطابا
حميرم كايفضحونا.

انا راني صياد
ديما عامل حسابي
وخبزي فاقرابي
مكانسشاي حبابي
وخّى غير بسمِّينة.

انا راني صياد
عند بوغابة معروف
كايخاف مني كيف الحلوف
غير لا شفتوني متلوف
عرفوا الغابة عيانة.

انا راني صياد
صياد الحجل والحمام
ماشي صياد النعام
كان شوية د الظلام
والدقة جات فسيوانة.

انا راني صياد
والدقة فالتصويب
دي طلقتا محال تخيب
تجمع بين لوبرة والذيب
والرشوق باش بدينا.

ان راني صياد
والصيادة غير نزاهة
الجويجة عندا مولاها
والسلوگي ديموراها
كايشمشم بسيمانة.

أنا راني صياد
وفالغيام كانصيّد
بالنيران كانريّض
وبالغزلان كانعيّد
وملاح فالسمانة.

انا راني صياد
ودبا غير جابتا الهدرة
واللسان مافيه عطم غير هبرة
منكُم نتعلم ونقرا
حاشا واش نخسروا الگانة.

تعليقات