القائمة الرئيسية

الصفحات

قصيدة "يا العروبية يا خيتي" - محمد ارطيلي

قصيدة "يا العروبية يا خيتي" - محمد ارطيلي

الطرح حما و ارطيلي ماخلاهاش فيه و مارقدش ف الخط.
الرد المزلزل على قصيدة "يا المدينية
يا خيتي" لعمر الكرمي.

يا العروبية يا خيتي
شوف شعرك كاشف اللون
وظفارك قهرم الصابون
جي لعندي نعبيك للصالون
راه كلشي عندم متقون
ونردك الفنانة كلثوم.
***
يا العروبية يا خيتي
كاتعرط عليا وترحب
لا يا خيتي منقدرش نقرب
عندكم اللفاعي والعقارب
والدود دي مسموم.
***
يا العروبية يا خيتي
ساكنة غير فبراكة
ويصبحك عل الفراكة
ديما مقندشة ومشكاكة
كيف احمد مول الصاكة
وفالكريدي ديما زقروم.
***
يا العروبية يا خيتي
كتولد عشرة وكثر
كيف لوبرة وحتى مشكر
واحد فكرشا ولاخر فالطهر
كايسرح فالصغر والكبر
والمدينة يدخلا مصدوم.
***
يا العروبية يا خيتي
المدينة كلا راكوب
مامهرس مامعطوب
فالگلسة فريج ومرغوب
والشيفور عندنا محبوب
وكايطحك ماشي مضيوم.
***
يا العروبية يا خيتي
راني مراة ونص
حتى على حد مانتخص
دبا الفلوس هي دي كاتنص
كاترد الجبال گص
والطريق فالبحر مخدوم.
***
يا العروبية يا خيتي
والقراية علاش العمادة
كان الثلاجة هِي البرادة
والبالكو هُو الرفادة
فرق كبير يا سادة
وفالصمايم عنداليكوم.
***
يا العروبية يا خيتي
راحنا رمز الحضارة
والشوارع بالإنارة
والخدمة فالإدارة
عايشين حياة مسرارة
بلا صداع بلا تخمم.
***
يا العروبية يا خيتي
المدينية عليك بزاف
باباها ماشي خواف
فالعقل فاتت الشراف
زينا ديما مشواف
وغالية فالسوم.


يمكنك أخي الزائر أختي الزائرة الاطلاع على سلسلة قصائد التناعير بين شيوخ بني يازغة الشباب عبر الضغط على الروابط التالية:

  1. قصيدة "انا راني ولد الفقير" - عمر الكرمي
  2. قصيدة " وياك انا العروبية " - عمر الكرمي
  3. قصيدة ” وياك انا المدينية “ - محمد ارطيلي 
  4. قصيدة "يا المدينية يا خيتي" - عمر الكرمي
  5. قصيدة "مامدينية ما عروبية انا اليازغية" - عادل اليازغي
  6. قصيدة بعنوان "اليازغية تمدنت" - محمد أمين اليازغي

تعليقات