القائمة الرئيسية

الصفحات

قصيدة ”اليازغي ولد الخير“ - عادل اليازغي


إبداعات الشباب اليازغي لا تنتهي و منابع كلماتهم لا تنضب
قصيدة اليازغي ولد الخير لعادل اليازغي

واليازغي ولد الخير واليازغي ولد الخير
مرحبا بدي جا وجاب 
مرحبا بگاع الحباب 
والنزاهة مع لصحاب
كاملين واقفين فالباب
اياهلي وجيراني

واليازغي ولد الخير واليازغي ولد الخير
السرابة راها حلات
والخير تاهو راه بات
باراكا من التشتات
نكتبو لقصيدات
وحر لكلام معاني

واليازغي ولد الخير واليازغي ولد الخير
ارضنا مزروعة بالشيوخ
فيها الدوالي والخوخ
والناس كاملين مخوخ
ودي سّارا فيها يدوخ 
العروبي والمديني

واليازغي ولد الخير واليازغي ولد الخير
بلاد المعقول والخير
والزيت فايضة من النقير
والما موجود فالغدير
يعيش فيها الفقير
وشوق البلاد بكاني

واليازغي ولد الخير واليازغي ولد الخير
والفول واللفت المحفور
والبيصارة فالفطور
اغير وجد الطيفور
اما فالغدا والسحور
يدهش فينا البراني

تعليقات